पुणे विभागीय शिक्षक मतदारसंघाच्या निवडणुकीवर एकनाथ स्वाभिमानी शिक्षक सेनेचा बहिष्कार - १० हजार ५०० शिक्षक मतदार मतदानापासून दूर राहणार

प्रदेशाध्यक्ष प्रा. डॉ. बापूसाहेब आडसुळ यांच्या घोषणेनंतर खळबळ

शिवशाही वृत्तसेवा, सोलापूर (वैभव कुलकर्णी)

पुणे विभागीय शिक्षक मतदारसंघाच्या आगामी निवडणुकीच्या पार्श्वभूमीवर एकनाथ स्वाभिमानी शिक्षक सेनेने बहिष्काराची भूमिका जाहीर केली आहे. शिक्षकांच्या प्रलंबित प्रश्नांकडे शासनाने गांभीर्याने लक्ष द्यावे, त्यांच्या न्याय्य मागण्यांना योग्य न्याय मिळावा आणि शिक्षण क्षेत्रातील समस्यांवर ठोस निर्णय घ्यावेत, या मागणीसाठी संघटनेने हा निर्णय घेतला आहे. संघटनेचे महाराष्ट्र प्रदेशाध्यक्ष प्रा. डॉ. बाबासाहेब आडसुळ यांनी ही घोषणा केली.

पुणे विभागीय शिक्षक मतदारसंघाच्या निवडणुकीत संघटनेशी संबंधित सुमारे १० हजार ५०० शिक्षक मतदार मतदान प्रक्रियेपासून दूर राहणार असल्याचे प्रा. डॉ. आडसुळ यांनी स्पष्ट केले. शिक्षकांच्या प्रश्नांबाबत शासन आणि संबंधित यंत्रणांनी वेळोवेळी ठोस भूमिका घेणे आवश्यक असताना, अनेक प्रश्न प्रलंबित असल्याने संघटनेने ही आक्रमक भूमिका घेतल्याचे त्यांनी सांगितले.

शिक्षकांच्या प्रश्नांवर संघटनेची ठाम भूमिका

शिक्षकांच्या प्रलंबित समस्या, न्याय्य मागण्या आणि शिक्षण क्षेत्रातील विविध अडचणी याकडे गांभीर्याने लक्ष देण्याची गरज आहे. शिक्षक हा शिक्षण व्यवस्थेचा महत्त्वाचा आधारस्तंभ असून, त्यांच्या समस्या सोडविण्याची जबाबदारी शासन आणि संबंधित यंत्रणांची आहे. मात्र, शिक्षकांच्या प्रश्नांकडे दुर्लक्ष होत असल्याची भावना निर्माण झाल्याने संघटनेने बहिष्काराचा निर्णय घेतल्याचे आडसुळ यांनी स्पष्ट केले.

शिक्षकांना त्यांच्या न्याय्य मागण्यांसाठी वारंवार पाठपुरावा करावा लागणे ही चिंतेची बाब आहे. शिक्षकांचे प्रश्न केवळ आश्वासनांपुरते मर्यादित न राहता त्यावर प्रत्यक्ष कार्यवाही होणे आवश्यक आहे. शासनाने शिक्षकांच्या मागण्यांची गांभीर्याने दखल घेऊन त्यावर कालबद्ध पद्धतीने निर्णय घ्यावेत, अशी भूमिका संघटनेने मांडली आहे.

शिक्षकांच्या हितासाठी संघर्ष सुरूच राहणार

शिक्षकांच्या हिताचे प्रश्न ऐरणीवर आणण्यासाठी तसेच त्यांच्या न्याय्य मागण्यांना वाचा फोडण्यासाठी एकनाथ स्वाभिमानी शिक्षक सेना सातत्याने प्रयत्नशील राहणार असल्याचे प्रा. डॉ. बाबासाहेब आडसुळ यांनी सांगितले. शिक्षकांच्या समस्यांकडे दुर्लक्ष होत राहिल्यास संघटना लोकशाही मार्गाने आपला आवाज बुलंद करेल, असा निर्धारही त्यांनी व्यक्त केला.

पुणे विभागीय शिक्षक मतदारसंघाच्या निवडणुकीत १० हजार ५०० शिक्षक मतदार मतदानापासून दूर राहणार असल्याच्या घोषणेमुळे शिक्षकांच्या प्रलंबित प्रश्नांचा मुद्दा पुन्हा चर्चेत आला आहे. आता शासन आणि संबंधित यंत्रणा या मागण्यांची कितपत दखल घेतात, याकडे शिक्षकांचे लक्ष लागले आहे.

-----------------