वाईत विकास अण्णा शिंदे मित्र परिवारच्या भव्य दहीहंडीचा जल्लोष

गोविंदा पथकांचा उत्साही सहभाग

Dahi handi, Vikas Shinde, wai, satara, shivshahi news,

शिवशाही वृत्तसेवा, वाई (शुभम कोदे)

गोपाळकाला व श्रीकृष्ण जन्मोत्सवाचे औचित्य साधून वाई शहरात जिल्हा परिषद सदस्य बापूसाहेब शिंदे यांच्या वतीने युवा नेते 'विकास अण्णा शिंदे मित्र परिवारा'च्या वतीने भव्य दहीहंडी उत्सवाचे अत्यंत उत्साही आणि जल्लोषी वातावरणात आयोजन करण्यात आले होते. हजारो नागरिकांची उपस्थिती आणि थरांवर थर रचणाऱ्या गोविंदा पथकांच्या थरारक प्रात्यक्षिकांनी संपूर्ण परिसर दुमदुमून गेला होता. दहीहंडीसाठी १ लाख ५१ हजार १११ रुपयांचे वाई शहरातील सर्वाधिक बक्षीस ठेवण्यात आले होते.

वाई पोलीस ठाण्याचे पोलीस निरीक्षक प्रदिप सूर्यवंशी यांच्या हस्ते श्रीफळ वाढवून या कार्यक्रमाचा शुभारंभ करण्यात आला. यावेळी जिल्हा परिषद सदस्य बापूसाहेब शिंदे, पंचायत समितीचे सभापती विक्रांत डोंगरे, विकास शिंदे, प्रवीण शिंदे, वसंत तुपे, शरद विटकर, काशिनाथ चोरट, रमाकांत यादव, शाम चावलानी, नाना पिसाळ, तरुण शिंदे, तनिश शिंदे ,त्रिशिव शिंदे आदी उपस्थित होते.

सिद्धेश्वर क्रीडा मंडळ व ग्रामस्थ मंडळ, सिद्धनाथवाडी यांनी उत्कृष्ट समन्वय व चिकाटी दाखवत दहीहंडी फोडण्याचा मान पटकावला. महिला, तरुण व लहान मुलांनी दहीहंडी पाहण्यासाठी मोठी गर्दी केली होती. ढोल-ताशांचा गजर आणि 'गोविंदा आला रे आला'च्या जयघोषाने वातावरण दणाणून गेले होते. या सोहळ्याला वाईकरांचा मोठा प्रतिसाद मिळाला.

उत्सवाच्या यशस्वी आयोजनासाठी प्रणव थोरवे, दादासाहेब काळे, दत्तात्रय वाडकर, धीरज ओसवाल, उमेश माने, राजेश कावडे, नितीन चोरट, सचिन वायदंडे, पांडुरंग वरे, दत्तात्रय पोळ, सोपान चिकणे, धनंजय चव्हाण, बबलू मुलाणी, तुकाराम तुपे, अमीन वनारसे, धनंजय मुलीय, अमोल चोरट, रवी मोझर, स्वप्नील त्रिंबके, प्रथमेश ढोणे आदींनी परिश्रम घेतले. कार्यक्रमाचे स्वागत व आभार विकास शिंदे यांनी मानले.

-----------------