दिशाच्या विद्यार्थ्यांनी अनुभवली भातशेती; शेतात उतरून केली लागवड

“विद्यार्थ्यांनी केवळ पुस्तकातून शेती समजून न घेता प्रत्यक्ष शेतात उतरून तिचा अनुभव घ्यावा, हा ‘मातीशी नाते’ उपक्रमामागील मुख्य उद्देश

'Bond with the Soil' Initiative, Satara, wai, shivshahi news.

शिवशाही वृत्तसेवा,वाई (प्रतिनिधी शुभम कोदे)

दिशा पब्लिक स्कूल अँड ज्युनिअर कॉलेजच्या विद्यार्थ्यांनी मालतपूर येथे शेतात उतरून प्रत्यक्ष भात लागवडीचा अनुभव घेतला. भूगोल व जलसुरक्षा विषयांतर्गत आयोजित ‘मातीशी नाते’ या उपबंक्रमातून विद्यार्थ्यांनी मालतपूर गावचे सरपंच निलेश वाडकर यांच्या शेतात भाताची रोपे उपटणे, त्यांचे गठ्ठे बांधणे आणि शेतात रोपांची लागवड करणे अशी विविध कामे प्रत्यक्ष करून पाहिली. या अनुभवातून विद्यार्थ्यांना शेतीचे महत्त्व तसेच शेतकऱ्यांच्या कष्टांची जवळून जाणीव झाली.

त्यानंतर विद्यार्थ्यांनी धोंम धरणाला भेट देऊन जलसाठा, जलसंधारण व पाणी व्यवस्थापनाची माहिती घेतली. पुस्तकातील ज्ञान आणि प्रत्यक्ष जीवन यांची सांगड घालणारा हा उपक्रम विद्यार्थ्यांसाठी अनोखा ठरला.

संस्थेचे चेअरमन प्रा. डॉ. नितीन कदम, सचिव प्रा. रुपाली कदम यांच्या मार्गदर्शनाखाली तसेच प्राचार्य ताजुद्दीन सय्यद व माध्यमिक विभागप्रमुख वसुंधरा पानसे यांच्या नेतृत्वाखाली हा उपक्रम पार पडला. शिक्षकवृंद रुपाली चौधरी, प्रज्ञा वाघमारे, विनिता पवार, सारिका सपकाळ, वैभवी सावंत, सुमित भंडलकर व सतीश पांचाळ यांनी विशेष सहकार्य केले.

“विद्यार्थ्यांनी केवळ पुस्तकातून शेती समजून न घेता प्रत्यक्ष शेतात उतरून तिचा अनुभव घ्यावा, हा ‘मातीशी नाते’ उपक्रमामागील मुख्य उद्देश आहे. अशा अनुभवाधारित शिक्षणातून विद्यार्थ्यांमध्ये श्रमप्रतिष्ठा, निसर्गप्रेम आणि सामाजिक जाणीव निर्माण होते.”
- प्रा. रुपाली कदम,

सचिव , दिशा पब्लिक स्कूल

-----------------