कार्यकर्त्यांकडून दादासाहेबांवर शुभेच्छांचा वर्षाव
शिवशाही वृत्तसेवा ,माळशिरस (प्रतिनिधी वैभव कुलकर्णी)
राजकारणातील सुसंस्कृत चेहरा, विकासाचा ध्यास घेतलेले आणि माळशिरस तालुक्यासह संपूर्ण जिल्ह्याच्या प्रगतीत सिंहाचा वाटा उचलणारे राज्याचे माजी उपमुख्यमंत्री, आदरणीय विजयसिंह मोहिते-पाटील यांचा वाढदिवस आज तालुक्यात मोठ्या उत्साहात साजरा करण्यात येत आहे.
दादासाहेबांच्या नेतृत्वाखाली माळशिरस तालुक्याने अनेक महत्त्वपूर्ण विकासकामे अनुभवली आहेत. सहकार, शिक्षण आणि सिंचन क्षेत्रात दादासाहेबांनी उभे केलेले मोठे जाळे आजही सामान्यांच्या प्रगतीसाठी संजीवनी ठरत आहे. राजकारणापलीकडे जाऊन कार्यकर्त्यांच्या पाठीशी खंबीरपणे उभे राहणारे 'पितृतुल्य नेतृत्व' अशी दादासाहेबांची ओळख आहे. आपल्या अभ्यासू वृत्तीने आणि संयमी स्वभावाने दादासाहेबांनी महाराष्ट्राच्या राजकारणात एक वेगळा ठसा उमटवला आहे.
आज दिवसभर दादासाहेबांच्या निवासस्थानी त्यांना शुभेच्छा देण्यासाठी कार्यकर्त्यांची मोठी गर्दी उसळली आहे. विविध सामाजिक उपक्रम, आरोग्य शिबिरे आणि वृक्षारोपणाच्या माध्यमातून दादासाहेबांचे चाहते आपला आनंद व्यक्त करत आहेत. दादासाहेबांना उत्तम आरोग्य आणि दीर्घायुष्य लाभो, अशी भावना कार्यकर्ते व्यक्त करत आहेत.
माळशिरस तालुक्यातील तमाम जनतेच्या वतीने आदरणीय दादासाहेबांना वाढदिवसाच्या मनःपूर्वक शुभेच्छा!
-----------------------
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
