पत्रकार सुदामराव दरेकर यांचे पितृछत्र हरपले - कृषी आणि सामाजिक क्षेत्रात मोठी पोकळी
शिवशाही वृत्तसेवा, शिरूर (प्रतिनिधी फैजल पठाण)
येथील ज्येष्ठ व प्रगतशील शेतकरी सावळेराम महादू दरेकर (वय ८८) यांचे रविवारी सायंकाळी ८:०० वाजता वृद्धापकाळाने दुःखद निधन झाले. त्यांच्या निधनाचे वृत्त समजताच पळवे गाव व परिसरात शोककळा पसरली असून, सर्वत्र हळहळ व्यक्त करण्यात येत आहे.
कुटुंबीयांचा मोठा आधार हरपला
कै. सावळेराम दरेकर हे आदर्श शिक्षक रावसाहेब दरेकर आणि शिवशाही न्यूज प्रतिनिधी पत्रकार सुदामराव दरेकर यांचे वडील होत. त्यांच्या पश्चात पत्नी, दोन मुले, तीन सुना, सात नाती आणि एक नातू असा मोठा परिवार आहे. अत्यंत साध्या आणि निगर्वी स्वभावामुळे त्यांचा मोठा मित्रपरिवार आणि नातेवाईक वर्ग आहे, जो आज या दुःखद प्रसंगामुळे शोकाकुल झाला आहे.
अमरधाम येथे अंत्यसंस्कार
आज सोमवारी सकाळी ठीक ९:३० वाजता अमरधाम, पळवे खुर्द या ठिकाणी शोकाकुल वातावरणात त्यांच्या पार्थिवावर अंत्यसंस्कार करण्यात आले. यावेळी विविध क्षेत्रातील मान्यवर, ग्रामस्थ आणि नातेवाईक मोठ्या संख्येने उपस्थित होते. अंत्यविधीनंतर उपस्थित मान्यवरांनी कै. सावळेराम दरेकर यांच्या स्मृतींना उजाळा देत भावपूर्ण श्रद्धांजली अर्पण केली.
-----------------------
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
