महिला आरोपी जेरबंद, शिरूर पोलिसांची कारवाई
शिवशाही वृत्तसेवा, शिरूर (प्रतिनिधीफैजल पठाण)
सरकारी नोकरी मिळून देण्याच्या बहाण्याने३३लाख४६हजार रुपयांची फसवणूक करणाऱ्या महिलेला शिरूर पोलिसांनी इंदापूर येथून अटक केली असून, आरोपी महिलेस न्यायालयात हजर केले असता न्यायालयाने ८ मे पर्यंतपोलीस कस्टडी दिली आहे. आरोपी निशा लक्ष्मण शिंदे राहणार इंदापूर जिल्हा- पुणे हिने अनेक वरिष्ठ अधिकाऱ्यांशी ओळख असल्याचे भासवुन पैसे उकळले होते. याप्रकरणी विकास भिमराव नागरगोजे राहणार जोशी वाडी तालुका- शिरूर यांनी फिर्याद दिली आहे.
याबाबत पोलिसांनी दिलेली माहिती पुढील प्रमाणे ऑगस्ट 2023 ते एप्रिल 2025 दरम्यान आरोपी निशा शिंदे हिने फिर्यादी व त्यांच्या ओळखीच्या लोकांना मी सरकारी नोकरी लावण्याचे काम करते तुमचे कुणी असेल तर सांगा त्यांना मी नोकरी लावते माझी वरिष्ठ अधिकाऱ्यांशी चांगली ओळख आहे असा विश्वास संपादन करून फिर्यादी यांची पत्नी यांच्या नावावर एचडीएफसी बँकेच्या खात्यावर२३ लाख ४६ हजार रुपये ऑनलाइन व दहा लाख रुपये रोख अशी एकूण 33 लाख 46 हजार रुपये नोकरी लावण्याच्या बहाण्याने उकळले.
याबाबत शिरूर पोलीस स्टेशन येथे गुन्हा नोंदवण्यात आला असून या प्रकरणाची गंभीर दखल घेत शिरूर पोलीस निरीक्षक संदेश केंदळे यांनी पोलीस हवालदार शिवाजी बनकर यांना तपासाचे आदेश दिले आरोपी पोलिसांना सतत चकवा देत होती मात्र तांत्रिक विश्लेषण व गुप्त बातमीदार यांच्या मदतीने आरोपीचा ठाव ठिकाणा शोधून काढण्यात पोलिसांना यश आले.
या कामी पोलीस हवालदार शिवाजी बनकर, महिला पोलीस अंमलदार स्नेहल होळकर व पोलीस अंमलदार विजय शिंदे यांनी धाड टाकून इंदापूर येथून आरोपी महिलेस ताब्यात घेतले. ही कारवाई पोलीस अधीक्षक पंकज देशमुख अप्पर पोलीस अधीक्षक रमेश चोपडे उपविभागीय पोलीस अधिकारी प्रशांत ढोले आणि पोलीस निरीक्षक संदेश केंजळे यांच्या मार्गदर्शनाखाली पोलीस हवालदार शिवाजी बनकर महिला पोलीस अंमलदार स्नेहल होळकर पोलीस अंमलदार विजय शिंदे यांच्या पथकाने केली आहे.
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
