गदिमांच्या माडगुळ्यात बामणाचा पत्रा येथे शिदोरी साहित्य संमेलन उत्साहात संपन्न

पुरस्कार वितरण, शिदोरी स्नेहभोजनसह परिसंवाद, व कवितांचा आस्वाद

madgulkar, sahitya sammelan, bamnacha patra, sangali, atpadi, shivshahi news,

शिवशाही वृत्तसेवा, आटपाडी

रविवार दिनांक १६ फेब्रुवारी रोजी बामणाचा पत्रा माडगुळे येथे शिदोरी साहित्य संमेलन ,पुरस्कार वितरण,परिसंवाद व कवीसंमेलन उत्साहात पार पडले. पहिल्या सत्रात मा.अमरसिंह देशमुख व ॲड.रविंद्र माडगूळकर यांचे हस्ते गोव्याचे कवी दत्तप्रसाद जोग यांना गीत रामायणाचा हिंदी अनुवाद केलेल्या हिंदी गीतरामायण या अनुवादीत संग्रहास ग.दि.माडगुळकर काव्यगौरव पुरस्कार व जयवंत आवटे यांना बारा गावचे संचीत ह्या कथा संग्रहास व्यंकटेश माडगुळकर कथागौरव पुरस्कारांने सन्मानीत करण्यात आले. यावेळी प्रमुख पाहुणे म्हणून ॲड. सुभाषबापू खोत, माडगुळेच्या सरपंच सौ.संगीता गवळी, विठ्ठल गवळी, संजय विभूते, बापू विभूते, गझलकार सुधाकर इनामदार, माडगुळे सोसायटीचे चेअरमन, उपसरपंच साहेबराव चवरे, आनंद हरी, विनायक कुलकर्णी , धर्मेंद्र पवार इत्यादी मान्यवर उपस्थित होते. यावेळी विलास खरात यांचाही सन्मान करण्यात आला. माडगुळकर कुटुंबियातील सौ.पुजा माडगुळकर यांनी सर्वांचे आभार मानले.

दुसऱ्या सत्रात कथाकार सुनील दबडे यांच्या 'बनगी आणि बिरमुटं' ह्या कथासंग्रहावरती परिसंवाद संपन्न झाला. त्याचे अध्यक्षपद डॉ.सयाजीराजे मोकाशी यांनी भूषविले तर श्रीकृष्ण पडळकर व डाॕ. दिनेश देशमुख यांनी संग्रहावरती भाष्य केले. विट्याचे जेष्ठ साहित्यीक रघुराज मेटकरी यांनी मार्गदर्शनपर आभार मानले. तसेच कृष्णकांत कुलकर्णी लिखित, माडगूळ परिसरातच फुलत जाणारी कथा आणि पारधी समाज जीवनावर आधारित असणारी घात या कादंबरीचे प्रकाशन मान्यवरांच्या हस्ते करण्यात आले.

शिदोरी भोजनानंतर तिसऱ्या सत्रामध्ये जेष्ठ कवी सुभाष कवडे यांच्या अध्यक्षतेखाली कवीसंमेलन उत्साहात पार पडले. यामध्ये जवळपास पस्तीस कवींनी आपला सहभाग नोंदवला व अनेकानेक उत्तम कविता सादर झाल्या. यामध्ये दत्तप्रसाद जोग, चैतन्य कुलकर्णी, मंदार खरे, ज्ञानेश डोंगरे, शिवाजी बंडगर, सुनिल जवंजाळ, लक्ष्मण हेंबाडे, सुजीतकुमार कांबळे, वैभव कुलकर्णी, पुष्पाताई मिसाळ, मेघा पाटील, अनिता पाटील, रमेश जावीर, अरूण बनपुरीकर, तानाजी वाघमारे, सचिन कुलकर्णी, जयंत बोबडे, संभाजी अडगळे, सुशिला नांगरे, विद्या शिर्के, मनिषा ठोंबरे, जान्हवी सावंत, कृष्णा पाटील, संतोष रायबाण, विठ्ठल पंडीत, अनिल पाटील, व्ही.एन.देशमुख, गिरीधर इंगोले, आणि सुधाकर इनामदार इत्यादी कवींनी आपल्या कविता सादर केल्या. कार्यक्रमाला महादेव मंडले यांनी मोलाचे सहकार्य केले.

---------------------