महाविकास आघाडीच्या राणी लंके २४०६ मतांनी पराभूत
शिवशाही वृत्तसेवा, पारनेर (प्रतिनिधी सुदाम दरेकर)
पारनेर - नगर विधानसभा मतदारसंघाच्या निवडणूकीत महायुतीचे उमेदवार काशिनाथ दाते हे महाविकास आघाडीच्या उमेदवार राणी लंके यांच्यावर २४०६ मतांनी अतिशय अटी तटीच्या लढतीत विजयी झाले आहेत.
पारनेर - नगर विधानसभा मतदारसंघातील मतमोजणी च्या निकालात काही फेऱ्यांचा अपवाद वगळता महायुतीचे काशिनाथ दाते सर १ ल्या फेरीपासून सातत्याने आघाडीवर होते , त्यामुळे पारनेर तालुक्यातील राजकीय कार्यकर्ते अक्षरशः बुचकळयात पडत होते. क्षणा क्षणाला उत्कंठा शिगेला पोहोचत होती. बऱ्याच वेळा मतमोजणीत काशिनाथ दाते पुढे जात होते , तर राणी लंके कधी थोड्या फार मतांनी पुढे जात सोशल मीडिया वर निकालाची चर्चा सुरू होती. पण निकाल १ ते दोन हजारांच्या आसपास रेंगाळत होता. अखेर २४ व्या फेरीच्या अखेर महायुतीचे उमेदवार काशिनाथ दाते यांना २४०६ मतांनी विजयी घोषीत केले, अन कार्यकर्त्यां चा उत्साह संचारला, डीजेचा दणदणाट , गुलांलाची उधळण व घोषणांच्या आवाजात विजय साजरा करण्यात आला. महाविकास आघाडी च्या उमेदवार राणी लंके यांना १ लाख १० हजार ३६९ , अपक्ष उमेदवार संदेश कार्ले यांना १० हजार ६४५ , अपक्ष व दातें ना पाठिंबा दिलेले विजय औटी ८५८ , माजी आमदार व अपक्ष विजय औटी २ हजार ४६४ तर अपक्ष सखाराम सरक यांना ३ हजार ५७२ मते मिळाली.
लाडकी बहीण , एका घरात दोन पदे व इतर कारणांनी ही निवडणूक गाजली
नगर जिल्ह्यातील पारनेर व शेवगाव विधानसभा मतदारसंघ निवडणुकीत सर्वांत जास्त २७ बुथ असल्याने मतमोजणी ला वेळ लागणार , हे माहित असूनही कार्यकर्ते मतमोजणी केंद्रात ठाण मांडून बसले होते . अतिशय रटाळ व वेळ खावू प्रक्रिया राबविली गेली .
निवडणूक निर्णय अधिकारी चिंचकर व सहाय्यक निवडणूक अधिकारी , तहसिलदार गायत्री सौंदाणे यांनी ही निवडणूक मतमोजणी प्रक्रिया अतिशय बंदिस्त व कमी जागेत ठेवली होती. उमेदवाऱ्यांच्या प्रतिनिधीं ना बसण्यास ही जागा उपलब्ध नव्हती. त्यामुळे ते कंटाळून बाहेर येत होते . तर पत्रकारांसाठी मिडीया सेंटर मतमोजणी केंद्रापासून बाजूला ठेवले होते . केंद्रात ही जाण्यास पत्रकारांना प्रवेश ही नव्हता, अखेर ध्वनी क्षेपकांवर जाहीर होणारी निकालाची घोषणा ऐकून त्याची नोंद घ्यावी लागत होती.
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
