अवैध छुपे रस्ते तोडल्यामुळे अवैध गौणखनिज वाहतुकीवर पुर्णत: आळा बसला
शिवशाही वृत्तसेवा, सिंदखेडराजा तालुका प्रतिनिधी आरिफ शेख
सिंदखेडराजा तालुक्यातील अवैध रेती व इतर गौणखनिज उत्खनन व वाहतुक करण्यासाठीं तयार करण्यात आलेले राहेरी बु. आणि हिवरखेडपुर्णा येथील अवैध छुपे रस्ते आज तहीलदार सचिन जैस्वाल यांनी तोडून टाकले आहेत. तसेच सिंदखेडराजा तालुक्यातील ईतर अवैध गौणखनिज वाहतुकीसाठी असणा-या छुप्या रस्याचा शोध घेऊन सदर रस्ते तोडण्याची कार्यवाही सुरु केली आहे.
सिंदखेडराजा तालुक्यातील अवैध छुपे रस्ते तोडल्यामुळे अवैध गौणखनिज वाहतुकीवर पुर्णत: आळा बसलेला आहे. तसेच आवैध गौणखनिज उत्खनन आणि वाहतुक होणार नाही. या साठी मंडळअधिकारी व तलाठी यांचे पथक गठीत करुन या पथकाच्या माध्यमातून धडक कारवाई करण्यात येत असल्यामुळे अवैध गौणखनिज वाहतुक करणाऱ्यांवर मोठ्या प्रमाणावर ब्रेक लागला आहे. सिंदखेडराजा तालुक्यामध्ये अवैध गौणखनिज वाहतुक करणा-यांविरुध्द मोठ्या प्रमाणात दंडात्मक कारवाई ह्या पथकाच्या माध्यमातून थेट कार्यवाही केल्यामुळे अवैध गौणखनिज वाहतुक करणा-यांच्या मनामध्ये महसुल प्रशासनाचा धाक बसवण्यात तहसीलदार सचिन जैस्वाल हे यशस्वी झाले आहेत.
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
