यशवंतनगर ग्रामपंचायतीतील अनधिकृत शेरा प्रकरण
 |
शिवशाही वृत्तसेवा, सातारा (शुभम कोदे)
वाई - यशवंतनगर ग्रामपंचायतीतील ग्रामविकास अधिकारी बाळकृष्ण शंकर सावंत यांच्या घराच्या चुकीच्या पद्धतीच्या नोंदी करणे व काही लोकांचा आठ अ चा उतारा न पकडणे यासाठी निलंबनाच्या मागणीसाठी लहू सावंत, पंढरीनाथ घाटे व गणेश सावंत यांनी पंचायत समिती कार्यालयासमोर बेमुदत उपोषण सुरू केले आहे. प्रॉपर्टीच्या नोंदीमध्ये अनधिकृत शेरा मारल्याचा आरोप आंदोलनकर्त्यांनी केला असून, संबंधित अधिकाऱ्यावर कारवाईची मागणी करण्यात आली आहे.
यशवंतनगर ग्रामपंचायतीतील काही प्रॉपर्टीच्या नोंदी ग्रामपंचायत नमुना क्रमांक आठमध्ये करण्यात आल्या असून, त्यामध्ये अनधिकृत शेरा मारण्यात आल्याचा आरोप आहे. याबाबत यापूर्वी पंचायत समितीच्या गटविकास अधिकाऱ्यांकडे तक्रार करून कारवाईची मागणी करण्यात आली होती. मात्र, अपेक्षित कार्यवाही न झाल्याने बेमुदत उपोषण सुरूच ठेवण्यात येणार आहे असे सांगण्यात आले.
उपोषणास पाठिंबा देण्यासाठी भाजपचे वाई विधानसभा संयोजक सागर पवार, हनुमंतसिंग परदेशी, ज्येष्ठ नागरिक संघाचे अध्यक्ष रमेश सपकाळ, यशवंतनगर ग्रामपंचायत सदस्य सौरभ पवार, संजय शा. पवार, सुधन भंडारी, सागर शिंदे, तेजस जमदाडे, संतोष भोकरे यांच्यासह यशवंतनगरमधील अनेक ग्रामस्थ उपस्थित होते.
ग्रामविकास अधिकाऱ्यांवर निलंबनाची कारवाई होईपर्यंत बेमुदत उपोषण सुरूच ठेवण्याचा निर्धार आंदोलनकर्त्यांनी व्यक्त केला आहे.
-----------------
-----------------
-----------------
---------------------
---------------------
---------------------
---------------------
---------------------
---------------------
--------------------
---------------------
---------------------
---------------------
---------------------
---------------------
-----------------
-----------------
---------------------
---------------------
---------------------
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
