मुख्यमंत्री देवेंद्र फडणवीस यांनी पाठवलेले श्रीफळ तोरण, पालकमंत्री जयकुमार गोरे यांच्या हस्ते दहीहंडीस अर्पण

तीर्थक्षेत्र अरण येथे श्रीफळ दहीहंडी सोहळा मोठ्या उत्साहात संपन्न

Shriphal Dahi Handi Celebration, Solapur, shivshahi news.

शिवशाही वृत्तसेवा, सोलापूर (वैभव कुलकर्णी)

तीर्थक्षेत्र अरण (ता. माढा, जि. सोलापूर) येथे संत शिरोमणी सावता माळी महाराज संजीवन समाधी स्थळावर आयोजित परंपरेचा आगळावेगळा 'श्रीफळ दहीहंडी सोहळा' ग्रामविकास व पंचायतराज मंत्री तथा पालकमंत्री जयकुमार गोरे यांच्या प्रमुख उपस्थितीत आणि हजारो भाविकांच्या साक्षीने अत्यंत उत्साहात संपन्न झाला. या विशेष सोहळ्यासाठी मुख्यमंत्री देवेंद्र फडणवीस यांच्या वतीने श्रीफळ तोरण पाठवण्यात आले होते, जे पालकमंत्री जयकुमार गोरे यांच्या हस्ते दहीहंडीस अर्पण करण्यात आले.

प्रमुख मान्यवरांची उपस्थिती

या सोहळ्यास आमदार अभिजीत पाटील, आमदार उत्तम जानकर, जिल्हा परिषद अध्यक्ष दिपक वैद्य, जिल्हा परिषद उपाध्यक्ष इंद्रजीत पवार, जिल्हाधिकारी एस. कार्तिकेयन, मुख्य कार्यकारी अधिकारी कुशल जैन, प्रांताधिकारी जयश्री आव्हाड, अतिरिक्त मुख्य कार्यकारी अधिकारी संदीप कोहिनकर, सावता महाराज वसेकर तसेच इतर मान्यवर, अधिकारी व मोठ्या संख्येने भाविक उपस्थित होते.

तीर्थक्षेत्र विकासाचा संकल्प व परंपरेचे महत्त्व

पालकमंत्री जयकुमार गोरे यांनी आपल्या मनोगतात सांगितले की, तीर्थक्षेत्र विकास आराखड्याअंतर्गत या पवित्र स्थळाचा सर्वांगीण विकास करण्याचा निर्णय घेण्यात आला असून, शासनाकडून विकासकामांना प्राधान्य दिले जात आहे. अरण येथील श्रीफळ दहीहंडी सोहळा हा एक अत्यंत अनोखा आणि धार्मिक परंपरा असलेला सोहळा आहे. संत सावता महाराजांच्या भेटीला श्री पांडुरंग येतात, अशी अरणची श्रद्धा असून, ही परंपरा भाविकांसाठी कायम श्रद्धेचा विषय राहिली आहे. सोहळ्यादरम्यान उपस्थित हजारो भाविकांनी सावता महाराज समाधीचे दर्शन घेऊन परंपरेचा आनंद घेतला.

-----------------