स्वातंत्र्यदिनानिमित्त आरपीआय ए यांच्या वतीने फरसाण-जिलेबी वाटप

S.P. Kulkarni Monday, August 17, 2026

संतोष जाधव मित्र परिवाराचा उपक्रम, पदाधिकारी व कार्यकर्त्यांची उत्स्फूर्त उपस्थिती

Distribution of treats on the occasion of Independence Day, Satara, wai, shivshahi news.

शिवशाही वृत्तसेवा, वाई (प्रतिनिधी शुभम कोदे)

भारतीय स्वातंत्र्याच्या ८०व्या वर्धापनदिनानिमित्त रिपब्लिकन पार्टी ऑफ इंडिया (A) आणि संतोष दादा जाधव मित्र परिवाराच्या वतीने नागरिकांना फरसाण व जिलेबीचे वाटप करण्यात आले. सकाळी ९ ते ११ या वेळेत आयोजित करण्यात आलेल्या या उपक्रमाला नागरिकांचा उत्स्फूर्त प्रतिसाद मिळाला. लोकनियुक्त नगराध्यक्ष अनिल सावंत यांनीही या स्तुत्य उपक्रमास भेट दिली.

स्वातंत्र्यदिनाच्या निमित्ताने सामाजिक बांधिलकी जपत नागरिकांमध्ये राष्ट्रीय एकात्मता व बंधुभावाची भावना वृद्धिंगत करण्याच्या उद्देशाने हा उपक्रम राबविण्यात आला. कार्यक्रमाच्या माध्यमातून उपस्थित नागरिकांना स्वातंत्र्यदिनाच्या शुभेच्छा देण्यात आल्या.

या कार्यक्रमास रिपब्लिकन पार्टी ऑफ इंडिया (A) पश्चिम महाराष्ट्र उपाध्यक्ष संतोष जाधव, वाई तालुका अध्यक्ष अजीम इनामदार, युवक तालुकाध्यक्ष अजय गायकवाड, तालुका कार्याध्यक्ष सुभाष भिसे, तालुका उपाध्यक्ष महेश मोरे यांच्यासह रोहित पवार, सचिन पाटणे, संदीप जाधव, अश्रफ शेख, बबलू मोमीन, जय शिंदे, सागर कोळी, सायली कोळी आदी मान्यवर उपस्थित होते.

कार्यक्रमात सहभागी पदाधिकारी, कार्यकर्ते व नागरिकांनी स्वातंत्र्यदिनाचा उत्साहाने आनंद साजरा केला. सामाजिक उपक्रमांच्या माध्यमातून सर्वसामान्य नागरिकांशी जोडले जाण्याचा संदेश या कार्यक्रमातून देण्यात आला.

-----------------