आकाशातील हे अद्भुत दृश्य पाहून लोक झाले थक्क
शिवशाही वृत्तसेवा,माळशिरस (प्रतिनिधी वैभव कुलकर्णी)
सोमवार दिनांक 29 जून रोजी आकाशात एक अतिशय दुर्मिळ आणि विलोभनीय खगोलशास्त्रीय घटना पाहायला मिळाली. सकाळी सूर्याच्या सभोवताली एक मोठे, तेजस्वी प्रकाशवलय (Sun Halo) तयार झाल्याचे दृश्य " स्पष्टपणे दिसून येत आहे. हे विलोभनीय दृश्य पाहून अनेक नागरिक थक्क झाले.
काय आहे ही घटना?
ही घटना प्रामुख्याने वातावरणात वरच्या थरात असलेल्या 'सिरस' (Cirrus) ढगांमुळे घडते. या ढगांमध्ये बर्फाचे सूक्ष्म स्फटिक असतात. जेव्हा सूर्याचा प्रकाश या बर्फाच्या स्फटिकांमधून जातो, तेव्हा त्याचे परावर्तन आणि अपवर्तन (Refraction) होऊन सूर्याभोवती असे सुंदर वर्तुळाकार वलय तयार होते.
नागरिकांनी घेतली नोंद
आकाशातील या अद्भुत दृश्याचे अनेकांनी आपल्या मोबाईल कॅमेऱ्यात फोटो आणि व्हिडिओ कैद केले. सोशल मीडियावर हे फोटो सध्या मोठ्या प्रमाणात व्हायरल होत आहेत. खगोलप्रेमींसाठी ही एक पर्वणीच ठरली आहे.
तज्ज्ञांच्या मते, ही एक पूर्णपणे नैसर्गिक प्रक्रिया असून यामुळे घाबरण्याचे कोणतेही कारण नाही. उलट, आकाशातील या निसर्गरम्य दृश्याचा आनंद घेणे ही एक दुर्मिळ संधी असल्याचे सांगितले.
-----------------------
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
