पुरस्कारामध्ये भुईंजचे जेष्ठ पत्रकार महेंद्र आबा जाधव यांचेसह ५ जणांचा समावेश
शिवशाही वृत्तसेवा, सातारा (प्रतिनिधी शुभम कोदे)
१ मे कामगार दिनानिमित्ताने दिल्या जाणारे 'आदर्श कामगार पुरस्कार-२०२६' जाहीर करण्यात आले. महाराष्ट्र कामगार कल्याण मंडळाचे सभासद असणाऱ्या व कला क्रीडा, पर्यावरण सामाजिक, सांस्कृतिक, शैक्षणिक क्षेत्रात उल्लेखनीय कार्य करणाऱ्या व्यक्तींना सन्मानित करण्यात येते. अशा व्यक्तींच्या मुलाखती घेऊन, योग्य व्यक्तींची निवड करण्यात आली.अशी माहिती अध्यक्ष जयंत देशपांडे यांनी दिली.
या मध्ये महेंद्र एकनाथ जाधव ( अजिंक्यतारा सहकारी साखर कारखाना मर्या.शेंद्रे, सातारा), सौ रुपाली शहाजी कुंभार (काटदरे फुड प्रॉडक्ट्स प्रा. लि. सातारा), सर्जेराव बाळू कोंडके (गरवारे टेक्निकल फायबर्स लि., वाई), चंद्रकांत छबन जाधव (गोदरेज ॲड बॉईज मॅन्यु.कं.लि.मोटर्स
सोलूशन ,शिंदेवाडी,ता.खंडाळा,जि.सातारा) किरण निवृत्ती नायकवडी (गरवारे टेक्निकल फायबर्स,वाई), बाळू किसनराव शेडगे (गोदरेज ॲड बॉईज मॅन्यु.कं.लि.मोटार्स सोलूशन शिंदेवाडी, खंडाळा,जि.सातारा) यांची निवड करण्यात आली.
पुरस्कार वितरण कार्यक्रम, रविवार दि १७ मे रोजी सायं ५.३० वाजता दैवज्ञ हॉल, समर्थ मंदिर जवळ सातारा येथे श्रीमंत छ. शिवेंद्रराजे भोसले (सार्वजनिक बांधकाम मंत्री, महाराष्ट्र शासन) यांच्या हस्ते व मा. जिवाजी मोहिते ( मॅनेजिंग डायरेक्टर, अजिंक्यतारा सहकारी साखर कारखाना लि शेंद्रे) यांच्या व मान्यवरांच्या उपस्थितीत संपन्न होणार आहे .अशी माहिती उपाध्यक्ष अमृत साळुंखे यांनी दिली.
या प्रसंगी निवड समितीचे सदस्य, संजय पवार, हेमंत ढवळे, शंकरराव मांढरे, इकबाल काझी, शरदराव वाघमळे,दिलिपराव चरेगावकर उपस्थित होते.
-----------------------
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
