शिरूर पोलिसांची धडाकेबाज कामगिरी
शिवशाही वृत्तसेवा, शिरूर (प्रतिनिधी फैजल पठाण)
तांत्रिक विश्लेषणाच्या आधारे पोलिसांनी शोधले चोरी आणि हरवलेले मोबाईल वर्षभरात हरवलेल्या मोबाईलचा शोध लागल्याने नागरिकांमध्ये आनंदाचे वातावरण आहे.
शिरूर येथील शिरूर पोलीस स्टेशनच्या हद्दीतून मागील वर्षभरात हरवलेले आणि चोरी झालेले तब्बल ३१ मोबाईल फोन शोधून काढण्यात शिरूर पोलिसांना मोठे यश आले आहे. पोलीस निरीक्षक मा. श्री. संदेश केंजळे यांच्या मार्गदर्शनाखाली तपास पथकाने केलेल्या अथक प्रयत्नांमुळे हे शक्य झाले आहे.
मिळालेल्या माहितीनुसार, सन २०२४ ते एप्रिल २०२५ या कालावधीमध्ये शिरूर पोलीस स्टेशनच्या हद्दीतील बाजारपेठ, बस स्टँड आणि इतर सार्वजनिक ठिकाणांहून अनेक नागरिकांचे मोबाईल फोन हरवले होते किंवा चोरीला गेले होते. या संदर्भात अनेक तक्रारी पोलीस स्टेशनमध्ये दाखल होत्या. पोलीस अधीक्षक मा. श्री. संदेश केंजळे यांनी या प्रकरणाची गंभीर दखल घेत तपास पथकाला तांत्रिक विश्लेषणाच्या आधारे मोबाईल शोधण्याचे आदेश दिले होते.
तपास पथकातील पोलीस कॉन्स्टेबल विजय गजानन शिंदे यांनी हरवलेल्या मोबाईल फोनच्या तांत्रिक विश्लेषणावर लक्ष केंद्रित केले. त्यांनी अथक परिश्रम घेत हरवलेल्या ३१ मोबाईल फोनचा माग काढला, ज्यांची एकूण किंमत ₹ ६,८६,०००/- आहे. हे सर्व मोबाईल फोन चोरी आणि हरवलेल्यांच्या गटातील होते.
आज, २१ एप्रिल २०२५ रोजी पोलीस निरीक्षक मा. श्री. संदेश केंजळे यांच्या हस्ते हे शोधलेले मोबाईल फोन त्यांच्या मूळ मालकांना परत करण्यात आले. अनेक नागरिकांनी आपला हरवलेला मोबाईल फोन पुन्हा मिळाल्याने आनंद व्यक्त केला. बऱ्याच नागरिकांनी तर हरवलेला मोबाईल मिळण्याची आशा सोडली होती, परंतु शिरूर पोलिसांनी दाखवलेल्या तत्परतेमुळे त्यांना त्यांची मौल्यवान वस्तू परत मिळाली.
या यशस्वी कामगिरीबद्दल पोलीस अधीक्षक मा. श्री. रमेश चोपडे सो, उपविभागीय पोलीस अधिकारी मा. श्री. प्रशांत ढोले सो, अप्पर पोलीस अधीक्षक मा. श्री. संदेश केंजळे सो यांनी तपास पथकातील पोलीस उपनिरीक्षक श्री. शुभम चव्हाण आणि अंमलदार विजय शिंदे यांचे अभिनंदन केले आहे.
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
