ॲड.प्रभाकरराव उर्फ बाबा रामचंद्र परिचारक यांचे निधन
शिवशाही वृत्तसेवा, पंढरपूर (शहर प्रतिनिधी हुसेन मुलाणी)
माजी आमदार प्रशांत परिचारक यांचे वडील ॲड.प्रभाकरराव उर्फ बाबा रामचंद्र परिचारक (वय- 95) यांचे वृद्धापकाळाने निधन झाले. त्यांच्या पश्चात माजी आमदार प्रशांत परिचारक, युटोपियन कारखान्याचे अध्यक्ष उमेश परिचारक व महेश परिचारक हे तीन मुलं, सुना, नातवंडे असा परिवार आहे.
माजी आमदार स्व. सुधाकरपंत परिचारक यांचे थोरले बंधू असणाऱ्या प्रभाकर परिचारक यांनी त्यांच्या राजकीय व सामाजिक कार्यात खंबीरपणे पाठीमागे राहून मोठी जबाबदारी पार पडली होती. पंढरपूर येथील न्यायालयात काही वर्ष त्यांनी वकील म्हणूनही काम केले होते. त्यांच्या निधनाचे वृत्त समजताच पंढरपूर शहर व तालुक्यातून मोठ्या संख्येने नागरिकांनी अंत्यदर्शनासाठी गर्दी केली होती. येथील वैकुंठ स्मशानभूमीत त्यांच्यावर अंत्यसंस्कार करण्यात आले.
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
