हजारो नागरिकांची उपस्थिती - ३५ पेक्षा अधिक शासकीय विभागांच्या कामांचा आढावा
शिवशाही वृत्तसेवा, माढा
सोमवार दिनांक १७ फेब्रुवारी २०२५ रोजी माढाचे विद्यमान आमदार अभिजीत पाटील यांच्या अध्यक्षतेखाली माढा येथे आमसभेचे आयोजन करण्यात आले. यापूर्वी १५वर्षांपूर्वी आमसभा घेण्यात आलेली होती. त्यांनतर आज या आमसभेचे आयोजन करण्यात आले. या आमसभेचे सचिव म्हणून गटविकास अधिकारी श्री.महेश सुळे यांनी जबाबदारी पार पाडली.
करमाळ्याचे विद्यमान आमदार नारायण पाटील यांची प्रमुख उपस्थिती
सकाळी ११ते संध्याकाळपर्यंत तासनतास चाललेल्या या आमसभेला तहसीलदार, आमसभा सचिव तथा गटविकास अधिकारी, महावितरण कार्यकारी अभियंता, नगरपालिका मुख्याधिकारी, तालुका कृषी अधिकारी, शहर पोलीस निरीक्षक, पोलीस निरीक्षक,सहा. पोलीस निरीक्षक यांच्यासह ३० हुन अधिक शासकीय विभागाचे अधिकारी, विभाग प्रमुख उपस्थित होते. सोबतच क्षेत्रीय स्तरावरील ग्रामसेवक, तलाठी, कृषी सहाय्यक, केंद्रप्रमुख, सर्कल हे शासकीय कर्मचारी देखील उपस्थित होते.
करमाळ्याचे आमदार श्री.नारायण आबा पाटील, जिल्हा परिषद सदस्य भारत आबा शिंदे, संजय कोकाटे, संजय पाटील घाटणेकर, संजय पाटील,नगराध्यक्षा मिनल साठे, विलास देशमुख, बाळासाहेब पाटील,जोती कुलकर्णी, ग्रामपंचायत सदस्यांसह प्रमुख पदाधिकाऱ्यांनी हजेरी लावली. यासह सदर आमसभेला माढा तालुक्यातील हजारो नागरिकांनी उपस्थिती दिली.
प्रत्येक नागरिकाचे काम करणे वेगवेगळे विभागांच्या अधिकारी कर्मचाऱ्यांचे काम आहे तसे न झाल्यास मी हे काम जबाबदारीने पूर्ण करेल. मी छत्रपती शिवाजी महाराजांचा एक मावळा आहे, त्यांनी रयतेसाठी जी लोककल्याणकारी व्यवस्था उभी केली त्याचा पाईक होत तालुक्यातील शेवटच्या घटकांचे गाऱ्हाणे ऐकणे मी माझे कर्तव्य समजतो.
या सभेत उपस्थित नागरिकांनी सिना-माढा प्रकल्प विभाग, महाराष्ट्र वीज वितरण विभाग, भूमी अभिलेख विभाग, महसूल प्रशासन, पोलीस प्रशासन, नगरपालिका प्रशासन, वनविभाग यांसारख्या अन्य विभागांवर समस्यांचा पाढा सुरू केला असता त्या सर्वांच्या तक्रारी ऐकून संबंधितांना तक्रारींचे निवारण करण्याच्या सूचना दिल्या. सदर सभेत वेगवेगळ्या ठरावांना मंजुरी देण्यात आली..
गैरहजर अधिकाऱ्यांवर कारवाई
आमसभेला पूर्वपरवानगी न घेता गैरहजर असलेल्या अधिकाऱ्यांवर कारवाईचे आदेश आमदार पाटील यांनी सांगितले. माढा मतदारसंघातील अनेक बंधाऱ्यांची किंमती वाढवून जादा बिले काढण्यात आली, तसेच काम देखील निकृष्ट दर्जाचे करण्यात आल्याचा तक्रारीच्या अनुषंगाने उपअभियंता यांच्याकडे केले असून तक्रारी असणाऱ्या कामांच्या चौकशीची करून निकाली काढण्यात यावेत अशा सूचना दिल्या.
आज घेण्यात आलेली आमसभा ही नुसती नाममात्र नसून या सभेत कुणाच्या तक्रारीचे निवारण झाले कुणाचे नाही या सर्व गोष्टींचे माझ्या कार्यालयात लवकरच उत्तरांची आमसभाचे आयोजन करण्यात येईल यावेळी संबंधित विभागांचे सर्व अधिकारी यांनी केलेल्या कामकाजाचा आढावा मी आमदार अभिजीत पाटील घेणार असल्याचे सांगितले.
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
