सुदैवाने जीवितहानी नाही, दोघे किरकोळ जखमी
शिवशाही वृत्तसेवा, बुलढाणा (जिल्हा प्रतिनिधी प्रतीक सोनपसारे)
नाशिक येथून कांदा व ऑइल कॅन बिरामध्ये घेऊन जाणाऱ्या ट्रकचालकाचे वाहनावरील नियंत्रण सुटून झालेल्या अपघातामध्ये चालक शिवगोविंद (रा. गुरबानसरा, युपी व सर्वन यादव (२६) हे दोघे जखमी झाले. २ जानेवारी रोजी सकाळी हा अपघात घडला.
(यूपी ६१-टी-९८८२) द्वारे ते समृद्धी महामार्गाद्वारे जात होते. दरम्यान, चॅनल क्र. ३२६.२ वर ट्रकवरील नियंत्रण सुटल्याने ट्रक पलटी झाला होता. यामध्ये चालक व वाहक किरकोळ जखमी झाले. त्यांना तातडीने नजीकच्या रुग्णालयामध्ये उपचारासाठी हलविण्यात आले. या अपघातानंतर महामार्ग पोलिसांनी त्वरित घटनास्थळी पोहोचत वाहतूक सुरळीत केली. सोबतच वाहनामध्ये अटकलेल्या दोघांना बाहेर काढले. पीएसआय गजानन उज्जैनकर, पोलिस कॉन्स्टेबल हरमकर, क्यूआरव्ही स्टेशनचे हनुमान जायभाये, कन्हैया काळे, कैलास आघाव व त्यांच्या सहकाऱ्यांनी त्यासाठी त्यांना मदत केली.
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
