संगणक परिचालकांवर आर्थिक व मानसिक अन्याय होत असल्याचा दावा
शिवशाही वृत्तसेवा, नांदेड (जिल्हा प्रतिनिधी शिवाजी कुंटूरकर)
ग्रामपंचायत स्तरावर लेखे ऑनलाईन करून गावाकऱ्यांना विविध दाखले देणाऱ्या ग्रामपंचायत संगणक परिचालकांनी आपल्या विविध मागण्यासाठी आंदोलनाचे हत्यार उपसले असून मागण्या मान्य होई पर्यंत विविध आंदोलन होणार असल्याचे निवेदनाद्वारे कळवले आहे. ग्रामविकास मंत्री गिरीश महाजन यांना देण्यात आलेल्या निवेदनात संगणक परिचालकांवरील होणाऱ्या आर्थिक व मानसिक अन्याया विरोधात वं संगणक परिचालकाच्या प्रलंबित मागण्यासंदर्भात मागण्या पूर्ण होई पर्यंत बेमुदत काम बंद व विविध आंदोलन पुकारत असल्याचे निवेदनात नमूद करण्यात आले.
संगणक परिचालकाच्या प्रमुख मागण्या पुढीलप्रमाणे, महाराष्ट्रातील सर्व संगणक परिचलकांचा आकृतिबंधात समावेश करून वेतन महिन्याच्या निश्चित तारखेस देण्यात यावे, आकृती बंधात समाविष्ठ करण्यास कालावधी लागत असल्यास किमान मासिक 20 हजारपर्यंत वेतन सध्यस्तितीत देण्यात यावे, नियम बाह्य कामे लावताना संदर्भीय पत्रानव्ये ग्रामविकास विभागाची पूर्व परवानगी घेऊन त्याचा वेगळा मोबदला देण्यात यावा, सध्यस्तिथीत कामाच्या बाबतीत दिलेले टार्गेट सिस्टीम पूर्णपणे बंद करण्यात यावी अश्या मागण्या करण्यात आल्या आहेत.
8 नोव्हेंबर पासून बेमुदत काम बंद आंदोलन, व 20 नोव्हेंबर रोजी पंचायत समिती कार्यालया समोर एक दिवशीय धरणे आंदोलन, 28 नोव्हेंबर रोजी जिल्हा परिषदेसमोर धरणे आंदोलन, 4 डिसेंबर रोजी विधानसभा सदस्य यांच्या निवासासमोर धरणे, 11 डिसेंबर रोजी नागपूर येथील हिवाळी अधिवेशनावर विराट मोर्चा काढण्यात येत असल्याची माहिती संघटनेच्या वतीने देण्यात आली आहे.
या धरणे आंदोलनाला पंचायत समिती नायगाव येथे महाराष्ट्र राज्य ग्रामपंचायत संगणक परिचालक कर्मचारी संघटनेचे जिल्हाध्यक्ष एस.पी.बेलकर, नायगाव तालुकाध्यक्ष रामकृष्ण मोरे, हणमंत कोकुर्ले, मालू कांबळे, संभाजी उपासे, विश्वम्भर शिंदे, मालिकार्जून कुंभार, बापूराव शिंदे, किरण शिंदे, साहेबराव ढगे आदी संगणक परिचालक उपस्थित होते.
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
