पारा अजूनही 40 अंशाच्या आसपास राहणार असल्याचा हवामान खात्याचा अंदाज
शिवशाही वृत्तसेवा, पुणे (शहर प्रतिनिधी दिगंबर वाघमारे)
पुणे आणि पिंपरी-चिंचवड शहरांचा कमाल तापमानाचा पारा 40 अंशांच्या खाली आला असून, परिणामी नागरिकांना तीव्र उष्णतेपासून थोडासा दिलासा मिळाला आहे.
दरम्यान पुढील काही दिवस निरभ्र आकाश, तर रविवारपासून संध्याकाळी आकाश ढगाळ राहण्याची शक्यता आहे.
पुणे आणि पिंपरी-चिंचवड भागात गेल्या काही दिवसांपासून कमाल तापमानाचा पारा 40 अंशांच्या पुढेच होता. त्यामुळे अगदी सकाळपासूनच उकाडा जाणवत होता. दुपारी बारा वाजल्यापासून ते संध्याकाळपर्यंत तीव्र उष्णतेमुळे उकाडा चांगलाच जाणवत होता. मात्र, बुधवारी दिवसभर उकाडा असला तरी निरभ्र आकाश, कोरडे हवामान आणि वारे वाहत असल्यामुळे शहरातील कमाल तापमानात थोडीशी घट झाली आहे. बुधवारी शहराचे कमाल तापमान 39 अंशांवर होते. दरम्यान पुढील 23 मेपर्यंत कमाल तापमान 39 ते 40 अंशांच्या आसपास राहील असा अंदाज हवामान खात्याने वर्तविला आहे
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
