विलंब केल्यास विलंब शुल्कासह दंड आकारण्याचा इशारा
शिवशाही वृत्तसेवा, सातारा (शुभम कोदे)
रस्ते परिवहन व महामार्ग मंत्रालय, भारत सरकार यांच्या केंद्रीय मोटार वाहन नियम, २०२१ मधील अधिसूचना क्र सा.का.नि. ५९४ (अ) अन्वये बीएच (भारत) सिरीज अंतर्गत नोंदणीकृत वाहनांच्या मालकांनी आपल्या वाहनाचा मोटार वाहन कर विहित मुदतीत ऑनलाइन पद्धतीने भरावा, असे आवाहन उप प्रादेशिक परिवहन अधिकारी, फलटण यांनी केले आहे.
बीएच सिरीज वाहनांसाठी नियमानुसार दर दोन वर्षांचा मोटार वाहन कर www.parivahan.gov.in या अधिकृत पोर्टलवर ऑनलाइन पद्धतीने भरण्याची तरतूद आहे. त्यामुळे संबंधित वाहनधारकांनी आपल्या वाहनाची कर भरण्याची देय तारीख (Due Date) वाहन पोर्टलवर तपासून घ्यावी व विहित मुदतीतच कराचा भरणा करावा.
कर भरण्याच्या निर्धारित देय तारखेपासून ७ दिवसांनंतर विलंबाने कर भरल्यास दररोज ११००/- अतिरिक्त विलंब शुल्क / दंड आकारला जातो. त्यामुळे BH सिरीज वाहनधारकांनी कर भरण्यास विलंब होणार नाही याची दक्षता घेऊन वेळेत कराचा भरणा करावा व संभाव्य अतिरिक्त भुर्दंड तसेच पुढील दंडात्मक कारवाई टाळावी. तसेच कराचा भरणा यशस्वीरीत्या पूर्ण झाल्यानंतर प्राप्त होणारी कराची पावती (Tax Receipt) भविष्यातील कार्यालयीन तसेच कायदेशीर संदर्भासाठी सुरक्षित जतन करून ठेवावी, असेही उप प्रादेशिक परिवहन कार्यालय, फलटण यांच्यामार्फत कळविण्यात आले आहे.
-----------------
-----------------
-----------------
---------------------
---------------------
---------------------
---------------------
---------------------
---------------------
--------------------
---------------------
---------------------
---------------------
---------------------
---------------------
-----------------
-----------------
---------------------
---------------------
---------------------
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
