विद्यार्थ्यांनी शाळेच्या आवारात लावण्यासाठी आणली वृक्षरोपे

S.P. Kulkarni Monday, September 14, 2026

एक विद्यार्थी एक झाड उपक्रमात विद्यार्थ्यांचा उत्स्फूर्त सहभाग

A student A tree, plantation, school, kannad, Chhatrapati Sambhaji Nagar, shivshahi news,

शिवशाही वृत्तसेवा,छ.संभाजीनगर (मनोज चव्हाण)

पर्यावरण संवर्धनाचा संदेश केवळ शब्दांत न देता तो प्रत्यक्ष कृतीतून रुजविण्याच्या उद्देशाने श्री संत ज्ञानेश्वर विद्या मंदिर, शिवनगर कन्नड येथील विद्यार्थ्यांनी शाळेच्या आवारात लावण्यासाठी विविध वृक्षरोपे आणली.

‘एक विद्यार्थी – एक वृक्ष’ या संकल्पनेतून विद्यार्थ्यांनी उत्स्फूर्तपणे सहभाग नोंदवत पर्यावरणाप्रती आपली बांधिलकी व्यक्त केली. शाळेचा परिसर अधिक हिरवाईने नटावा, पर्यावरणाचे संवर्धन व्हावे तसेच विद्यार्थ्यांमध्ये लहानपणापासूनच वृक्षप्रेम व निसर्गसंवर्धनाची भावना निर्माण व्हावी, या उद्देशाने हा उपक्रम राबविण्यात आला.

विद्यार्थ्यांनी आणलेल्या वृक्षरोपांमुळे शाळेच्या परिसरात हरित वातावरण निर्माण होण्यास मदत होणार असून, या उपक्रमातून इतर विद्यार्थ्यांनाही पर्यावरण संवर्धनाची प्रेरणा मिळणार आहे.

विद्यार्थ्यांच्या या उपक्रमाचे मुख्याध्यापक, शिक्षकवृंद आणि शाळा व्यवस्थापनाने कौतुक करून त्यांच्या पर्यावरणपूरक उपक्रमाला शुभेच्छा दिल्या.

-----------------