कन्या शाळेत विद्यार्थिनींसाठी स्वसंरक्षण प्रशिक्षण
शिवशाही वृत्तसेवा, वाई (शुभम कोदे)
‘महिला सुरक्षित तर समाज सुरक्षित’ या संकल्पनेतून राबविण्यात येत असलेल्या ‘नारीशक्ती’ उपक्रमांतर्गत वाई पोलीस ठाण्याच्या हद्दीतील कन्या शाळा, वाई येथे विद्यार्थिनींसाठी स्वसंरक्षण प्रशिक्षण कार्यक्रम उत्साहात पार पडला.
या कार्यक्रमात शैला टिके-कुलकर्णी, साफिया शेख व त्यांच्या टीमने विद्यार्थिनींना स्वसंरक्षणाच्या विविध तंत्रांचे प्रत्यक्ष प्रशिक्षण दिले. विविध प्रसंगांमध्ये स्वतःचे संरक्षण कसे करावे, संकटाच्या वेळी घाबरून न जाता प्रसंगावधान कसे राखावे, तसेच संभाव्य धोका ओळखून त्याला प्रभावीपणे कसे सामोरे जावे, याबाबत प्रात्यक्षिकांसह व्यावहारिक मार्गदर्शन करण्यात आले.
कार्यक्रमादरम्यान विद्यार्थिनींनी स्वसंरक्षणाच्या तंत्रांचा प्रत्यक्ष सराव केला. त्यामुळे केवळ शारीरिक प्रतिकार करण्याच्या पद्धतींबरोबरच आत्मविश्वास, प्रसंगावधान आणि मानसिक तयारीचे महत्त्वही विद्यार्थिनींना समजावून सांगण्यात आले.
या कार्यक्रमास मुख्याध्यापक व शिक्षकवृंद, उपविभागीय पोलीस अधिकारी सुनील साळुंखे, पोलीस निरीक्षक प्रदिप सूर्यवंशी, सपोनि पवार (पाचगणी पोलीस ठाणे), पोउपनि काळे, पोलीस अंमलदार यांच्यासह इयत्ता ५ वी ते १० वीच्या सुमारे ९०० ते १००० विद्यार्थिनी मोठ्या संख्येने उपस्थित होत्या.
विद्यार्थिनींच्या सुरक्षिततेसह त्यांच्यात आत्मविश्वास आणि स्वसंरक्षणाची जाणीव निर्माण करण्याच्या दृष्टीने हा उपक्रम महत्त्वपूर्ण ठरला. कार्यक्रम शांततेत व उत्साहपूर्ण वातावरणात पार पडला.
मुली केवळ अभ्यासातच नाही, तर स्वतःच्या सुरक्षेबाबतही तितक्याच सक्षम असणे काळाची गरज आहे. वाई पोलिसांचा हा उपक्रम मुलींमध्ये भीती घालवून त्यांच्यात निर्भयता निर्माण करेल.
प्रदिप सूर्यवंशी
पोलीस निरीक्षक वाई पोलीस ठाणे
-----------------
-----------------
---------------------
---------------------
---------------------
---------------------
---------------------
---------------------
--------------------
---------------------
---------------------
---------------------
---------------------
---------------------
-----------------
-----------------
---------------------
---------------------
---------------------
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा





























