जिजामाता शिक्षण प्रसारक मंडळाकडून सन्मान
शिवशाही वृत्तसेवा, कन्नड प्रतिनिधी मनोज चव्हाण)
शिक्षण हे केवळ पुस्तकी ज्ञान नसून विद्यार्थ्यांचा सर्वांगीण विकास साधण्याचे साधन आहे, हे आपल्या कार्यातून सिद्ध करणारे श्री संत ज्ञानेश्वर विद्या मंदिर, शिवनगर येथील सहशिक्षक श्री. अरविंद भीमराव पदमे यांना त्यांच्या उल्लेखनीय सामाजिक व शैक्षणिक कार्याबद्दल नुकतेच सन्मानित करण्यात आले. या गौरव सोहळ्यामुळे शैक्षणिक वर्तुळात पदमे सरांचे कौतुक होत असून सर्वत्र आनंदाचे वातावरण आहे.
जिजामाता शिक्षण प्रसारक मंडळाचे सचिव मा. श्री. सागर जाधव यांच्या शुभहस्ते श्री. पदमे यांना हा विशेष सन्मान प्रदान करण्यात आला. यावेळी शिक्षण क्षेत्रातील विविध मान्यवर आणि संस्थेचे पदाधिकारी मोठ्या संख्येने उपस्थित होते.
अरविंद पदमे यांनी गेल्या अनेक वर्षांपासून शिक्षण क्षेत्रात कार्य करताना विद्यार्थ्यांच्या गुणवत्ता वाढीसाठी आणि त्यांच्यातील सुप्त गुणांना वाव देण्यासाठी विशेष परिश्रम घेतले आहेत. केवळ शाळाच नव्हे, तर समाजातील विविध सामाजिक उपक्रमांमध्येही त्यांचा सक्रिय सहभाग असतो. त्यांच्या याच निस्वार्थ सेवेची आणि शैक्षणिक योगदानाची दखल घेऊन संस्थेच्या वतीने त्यांना गौरवण्यात आले.
सन्मान हीच पुढील कार्याची ऊर्जा: अरविंद पदमेयावेळी आपल्या सत्काराला उत्तर देताना श्री. पदमे भावूक झाले होते. ते म्हणाले की, "हा सन्मान माझ्या एकट्याचा नसून माझ्या सहकारी शिक्षकांचा आणि संस्थेचा विश्वास आहे. हा पुरस्कार माझ्यासाठी अत्यंत प्रेरणादायी असून, यामुळे पुढील काळात अधिक निष्ठेने आणि जोमाने काम करण्याची ऊर्जा मला मिळाली आहे." यावेळी त्यांनी आपल्या यशाचे श्रेय संस्था, सहकारी आणि कुटुंबाला दिले.
या यशाबद्दल संस्थेचे अध्यक्ष साबुसिंग राठोड, उपाध्यक्ष रामदास सुरडकर, सचिव पांडुरंग राठोड, सहसचिव संजय पुरी, कोषाध्यक्षा सरला सोनवणे, संचालक शिवाजी वाघ, संचालक मुकुंद शिंदे, तसेच मुख्याध्यापक प्रकाश जिरेमाळी यांनी त्यांचे विशेष अभिनंदन केले आहे. पदमे सरांच्या या गौरवामुळे विद्यार्थ्यांमध्येही उत्साहाचे वातावरण असून, 'एक आदर्श शिक्षक' म्हणून त्यांच्याकडे पाहिले जात आहे.
-----------------------
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
