वाई येथील शिवाजी कदम यांना मानद डॉक्टरेटHonorary Doctorate पदवी प्रदान

आरोग्य सामाजिक व शैक्षणिक क्षेत्रातील कार्याची दखल

Honorary Doctorate, Satara, wai, shivshahi news.

शिवशाही वृत्तसेवा,वाई ( प्रतिनिधी शुभम कोदे )

वाई येथील सामाजिक, शैक्षणिक, क्लिनिकल लॅबोरेटरी तसेच औषध व्यापार क्षेत्रात गेल्या अनेक वर्षांपासून उल्लेखनीय कार्य करणारे सर्वसामान्य,मनमिळाऊ शिवाजी कदम यांना मानद डॉक्टरेट (Hon. Causa) पदवीने सन्मानित करण्यात आले आहे.

दिल्ली येथील भारत सरकारच्या नीती आयोगाच्या मान्यताप्राप्त सॉक्रेटिस सामाजिक संशोधन विद्यापीठाच्या वतीने शिवाजी कदम यांच्या आरोग्य, शैक्षणिक ,सामाजिक , क्लिनिकल लॅबोरेटरी व लॅबोरेटरी संघटना क्षेत्रातील अतुलनीय योगदानाची दखल घेत हा सन्मान प्रदान करण्यात आला.

ग्रामीण भागातून अत्यंत प्रतिकूल परिस्थितीतून जीवनप्रवास सुरू करून स्वतःचे स्वतंत्र व प्रेरणादायी उत्तम उच्च शिक्षण ,कमवा आणि शिका असा आदर्श निर्माण करणारे श्री. शिवाजी कदम यांच्या कार्याचा गौरव या मानद डॉक्टरेट पदवीद्वारे करण्यात आला आहे.

हा पदवी प्रदान सोहळा दिलासा फाउंडेशनच्या वतीने मुंबई येथे आयोजित करण्यात आला होता. सदर मानद डॉक्टरेट पदवी डॉ. विजय पंडित (अध्यक्ष, अग्रवाल कॉलेज) व पद्मिनी कृष्णा (सचिव, दिलासा फाउंडेशन) यांच्या शुभहस्ते प्रदान करण्यात आली. यावेळी श्रीचंद केसवानी, डॉ. मुकुंद बोधनकर (वरिष्ठ शास्त्रज्ञ, ए.पी.टी. रिसर्च फाउंडेशन, पुणे), डॉ. शशी धरण (कार्पोरेट प्रशिक्षक), योगेश शर्मा (शास्त्रज्ञ) तसेच डॉ. दीपक खांडेकर (अभिनेते व लेखक) , कुमार नायर हे मान्यवर प्रमुख उपस्थित होते.

हा सन्मान शिवाजी कदम यांनी आपल्या पत्नी सौ.पुष्पा कदम व चिरंजीव डॉ रोहित ,डॉ रिषभ आणि सून प्रणिता व नातू रिआन यांच्या उपस्थितीत स्वीकारला. याप्रसंगी विद्यापीठ व दिलासा फाउंडेशनच्या वतीने कदम यांनी विविध क्षेत्रांत केलेल्या कार्याची माहिती देत त्यांचा यथोचित गौरव करण्यात आल्याबद्दल दिशा फौंडेशन आणि विद्यापीठचे आभार मानले.

यापूर्वी मिळालेल्या विविध पुरस्कारांबरोबरच या मानद डॉक्टरेट पदवीमुळे समाजासाठी अधिक जोमाने कार्य करण्याची नवी ऊर्जा व प्रेरणा मिळाल्याचे मनोगत शिवाजी कदम यांनी व्यक्त केले.

---------------------