पाणी प्रश्नावर आमदार समाधान आवताडे यांनी घेतली आढावा बैठक
पंढरपूर तालुक्यातील नागरिकांना उन्हाळ्यात पाणी टंचाईचा सामना करावा लागू नये यासाठी पंढरपूर पंचायत समिती सभागृहात आमदार समाधान आवताडे यांनी बुधवारी पंढरपूर तालुक्यातील सरपंच, ग्रामसेवक व सर्व विभागाच्या अधिकाऱ्यांची बैठक घेऊन पाणी टंचाई आढावा घेतला.
याप्रसंगी उपविभागीय अधिकारी सचिन इथापे, गटविकास अधिकारी सुशील संसारे, नायब तहसीलदार बालाजी पूदलवाड यांच्यासह सर्व विभागाचे प्रमुख अधिकारी उपस्थित होते. या आढावा बैठकीत अनेक सरपंच व सदस्यांनी पाणी टंचाई दूर करण्यासाठी गावागावातील ओढे, नाले, तलाव भरून घ्यावेत. पाणी मिळत नसूनही कर आकारणी केली जाते अशा तक्रारींचा पाढा लोकप्रतिनिधीसमोर वाचला.
आमदार समाधान आवताडे यांनी गावागावातील ओढे,नाले, तलाव भरून घ्यावेत. हातपंप सुरू करून वाड्या वस्त्यांपर्यंत पाणी पोहोचवा अशा सूचना अधिकाऱ्यांना दिल्या. तसेच घरकुल योजना यासह विविध विभागांच्या कामाचाही आढावा घेतला असून यामुळे पाण्याचे नियोजन होवून नागरिकांना दिलासा मिळेल अशी अपेक्षा व्यक्त केली जात आहे.
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
