गावातील ऊसाच्या शेतात बसला होता लपून
शिवशाही वृत्तसेवा, शिरूर (प्रतिनिधी फैजल पठाण)
पुणे बलात्कार प्रकरणातील आरोपी दत्तात्रय गाडे याला अखेर अटक करण्यात आली आहे. दत्तात्रय हा शिरूर तालुक्यातील गुनाट गावातील शेतात लपला होता. त्याचा शोध घेण्यासाठी पोलिसांच्या 13 टीम तयार करण्यात आल्या होत्या.
तो गावातच लपल्याचं लोकेशन ट्रेस झाल्यानंतर तो गावातून पळून जावू नये म्हणून गावात 100 पोलिसांचा बंदोबस्त वाढवण्यात आला होता. श्वानपथक आणि ड्रोनच्या मदतीने त्याचा शोध घेण्यात आला. अखेर 48 तासानंतर पोलिसांनी त्याच्या मुसक्या आवळल्या आहेत. मिळालेल्या माहितीनुसार, 37 वर्षीय आरोपी दत्तात्रय रामदास गाडे रात्री उशिरा तो कोणाच्या तरी घरी जेवायला गेला होता, त्याच व्यक्तीने त्याची माहिती पोलिसांना दिली. त्याआधारे त्याला गुनाट तालुका शिरूर, पुणे येथून रात्री दोनच्या सुमारास अटक करण्यात आली असून त्याला आज पुणे न्यायालयात हजर करण्यात येणार असल्याची माहिती मिळत आहे.
पुण्यातील स्वारगेट हे महाराष्ट्र राज्य मार्ग परिवहन महामंडळाच्या (MSRTC) सर्वात मोठ्या बस डेपोंपैकी एक आहे. त्याठिकाणीच मंगळवारी पहाटे 5.45 वाजण्याच्या सुमारास सातारा जिल्ह्यातील फलटण येथील स्टँडवर बसची वाट पाहत असल्याचे पीडितेने सांगितलं. आरोपीने पीडितेला ‘दीदी’ म्हणत दुसऱ्या बस स्डँडवर घेऊन गेला. तेथे उभ्या असलेल्या ‘शिवशाही’ बसमध्ये आरोपीने पीडितेसोबत माणुसकीला काळीमा फासणारं कृत्य केलं. वैद्यकीय क्षेत्रात काम करणाऱ्या महिलेने पोलिसांना सांगितले की, त्यानंतर आरोपीने तिचा पाठलाग करून तिच्यावर बलात्कार केला. याप्रकरणी पोलीस कसून चौकशी करत आहेत.
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
