पंढरपुर शहर गुन्हे प्रकटीकरण शाखेची अवैध गुटखा वाहतुकीवर धडक कारवाई

मालवाहुतक बोलरो पिकअप सह १९.२०,००० रू किमतीचा गुटखा व तंबाखुजन्य मुददेमाल ताब्यात

Action on illegal Gutkha traffic, police, pandharpur, solapur, shivshahi news,

शिवशाही वृत्तसेवा, पंढरपूर (शहर प्रतिनिधी हुसेन मुलाणी)

पंढरपुर शहर गुन्हे प्रकटीकरण शाखेचे पोलीस अंमलदार यांना गोपनीय बातमीदारामार्फत, एक पांढऱ्या बदामी रंगाच्या मालवाहतुक पिकअपमध्ये प्रतिबंधीत व विक्रीस मनाई केलेला गुटखा हा सांगोल्याचे दिशेने पंढरपुर मार्गे टेंभुर्णीकडे जात असल्याची गोपनीय बातमी मिळालेने पंढरपुर शहर गुन्हे शाखेचे अंमलदार यांनी पंढरपुर शहर पोलीस ठाणे हददीतील सांगोला रोडवरील विक्रम ढाबा समोर सापळा लावला. रात्री ०९:३० वाजण्याच्या सुमारास बातमीतील वर्णनाचा मालवाहतुक पिकअप हा विक्रम ढाब्यासमोर रोडवर आला असता तो गुन्हे प्रकटीकरण शाखेचे अंमलदार यांनी थांबवुन पिकअप चालकाकडे पिकअप मधील मालाबाबत विचारणा केली असता पिकअप चालकाने गाडीमध्ये प्रतिबंधीत असलेला विमल पान मसाला, आर.एम.डी पानमसाला व सुगंधित तंबाखु असल्याचे सांगीतले.

सदरचा पिकअप नं एम.एच-१० डीटी ४५१७ व त्यामध्ये महाराष्ट्रात प्रतिबंधित व विक्रीस मनाई असलेला गुटखा तसेच पिकअपच्या चालकास ताब्यात घेवुन सदरचा मुद्देमाल पोलीस ठाणे येथे आणून अन्न व औषध प्रशासन यांचेशी संपर्क करून पुढील कार्यवाही करीत आहे.

जप्त करण्यात आलेल्या पिकअप व प्रतिबंधीत केलेला गुटखा एकुण मुद्देमाल

१) ६,००,०००/- रू. अंदाजे किंमतीचा विमल कंपनीचा पान मसाला - २५ पोती
२) १,९८,०००/- रू. अंदाने किंमतीचा किंग पॅक विमल कंपनीचा पान मसाला- ०५ पोती

३) ६०,०००/- रू. अंदाजे किंमतीची एम कंपनीची सुगंधित तंबाखु - १०० बॉक्स
४) ९०,०००/- रू. अंदाजे किंमतीचा आर. एम. डी कंपनीचा पान मसाला -१०० बॉक्स

५) १,५०,०००/- रू. अंदाजे किंमतीची व्ही १ कंपनीची सुगंधित तंबाखु :- ०५ पोती
६) २२,०००/- रू. अंदाजे किंमतीची व्ही १ कंपनीची सुगंधित तंबाखु :- ०१ पोते

३) ८,००,०००/- रू किं एक महिंद्रा कंपनीचा बोलेरा पिकअप नं एम. एच-१० डीटी ४५१७
एकुण १९,२०,०००/- किंमतीचा मुददेमाल चालकासह ताब्यात घेतला.

सदरची उल्लेखनीय कामगीरी ही पोलीस अधिक्षक अतुल कुलकर्णी, अप्पर पोलीस अधिक्षक प्रितमकुमार यावलकर, उपविभागीय पोलीस अधिकारी पंढरपूर विभाग, डॉ. अर्जुन भोसले व वरिष्ठ पोलीस निरीक्षक, पंढरपूर शहर पोलीस ठाणे विश्वजीत घोडके यांचे मार्गदर्शनाखाली पंढरपुर शहर गुन्हे प्रकटीकरण शाखेचे प्रभारी सपोनि आशिष कांबळे, श्रेणी.पोसई राजेश गोसावी, सपोफौ शरद कदम, कल्याण ढवणे, सुरज हेंबाडे, सिरमा गोडसे, सचिन हेंबाडे, प्रसाद औटी, पोलीस नाईक, सचिन इंगळे, पोकॉ शहाजी मंडले, समाधान माने, बजरंग बिचकुले, निलेश कांबळे, तुकाराम व्हरे यांनी केली आहे

---------------------