शहरवासीयांची सुरक्षा धोक्यात आल्याने सर्वपक्षीय बैठकीत पोलिसांवर रोष
शिवशाही वृतसेवा, सिंदखेडराजा (तालुका प्रतिनिधी आरिफ शेख)
सिंदखेड राजा शहरामध्ये दिवसाढवळ्या चोऱ्या होत आहेत. दरोडे व घरफोड्यांनी नागरिक वैतागले आहेत. सिंदखेडराजा पोलिसांचा चोरट्यांवर जरब नाही. शहरातील सीसीटीव्ही कॅमेरे बंद पडलेली अवस्थेत तर काही पडलेल्या अवस्थेत आहेत त्यामुळे नागरी सुरक्षेसाठी उद्या सिंदखेडराजा शहर बंद पुकारण्यात आला आहे. १ सप्टेंबरला शहरात झालेल्या एका सर्वपक्षीय बैठकीनंतर हा निर्णय घेण्यात आला.
सिंदखेडराजा शहरात चोरी आणि दरोड्या सारख्या घटना वाढल्या आहेत. सिंदखेडराजा हे शहर ऐतिहासिक आहे, शेकडो पर्यटक या शहराला भेट देण्यासाठी येतात मात्र सुरक्षा व्यवस्था पोलीस विभाग कमी पडत आहे. शहरात गुंडांचा धाक वाढला आहे, काल दर्शनासाठी जाणाऱ्या एका आजी आणि नातवाच्या गळ्याला चाकू लावुन सोन्या-चांदीचे दागिने लंपास करण्यात आले. सातत्याने वाढणाऱ्या या घटनांमुळे पोलीसांच्या भूमिकेवर प्रश्नचिन्ह निर्माण झाल्याचा एकमुखी सुर या बैठकीतून उमटला. त्यामुळे उद्या ४ सप्टेंबर रोजी सिंदखेडराजा शहर बंदचे आवाहन करण्यात आले आहे.
---------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
