अवैध रेती वाहतूक उपसा
शिवशाही वृत्तसेवा,सिंदखेडराजा तालुका प्रतिनिधी आरिफ शेख
सिंदखेडराजा येथील उपविभागीय अधिकारी प्रा. संजय खडसे यांनी खडकपूर्णा नदी पात्रातून अवैध रेती वाहतूक होत असल्याची माहिती मिळताच मौजे सुलतानपूर, चिंचखेड या ठिकाणी जाऊन खडकपूर्णा नदी पात्रालगत अवैध उपसा करण्यासाठी लागणारी सेशन पाईप, बॅरल व इतर साहित्य जेसीबीच्या साह्याने नष्ट करून खडकपूर्णा नदी पात्रात डुबवल्याने रेती तस्करामुळे दहशत पसरली आहे.
लोकसभा निवडणुकीची रणधुमाळी सुरू असताना सुद्धा अशा प्रकारची कारवाई उपविभागीय अधिकारी प्रा. संजय खडसे यांनी केली आहे. तसेच त्या ठिकाणी वाहनांच्या रस्त्याच्या खुणा आढळून आल्या, त्यांनी जेसीबीच्या सहाय्याने मोठाले खड्डे करून तोडून टाकले, त्यामुळे देऊळगाव राजा तालुक्यातील अवैध रेती उपसा करणाऱ्यांमध्ये शांतता पसरली आहे. प्रा. खडसे यांनी नुकताच सिंदखेड राजा, उपविभागीय अधिकारी पदाचा पदभार घेतलेला आहे. त्यामध्ये सध्या निवडणुकीची रणधुमाळी सुरू असताना सुद्धा अशा प्रकारची कारवाई केल्यामुळे कौतुक होत आहे.
या पथकामध्ये उपविभागीय अधिकारी प्रा. संजय खडसे यांच्या मार्गदर्शनाखाली नायब तहसीलदार डॉ. अस्मा मुजावर, तलाठी हांडे, तलाठी उदार, तलाठी नागरे, तलाठी बुरकुल, चालक उबाळे, चालक चव्हान यांचा समावेश होता
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
