बालकांच्या आरोग्याविषयी तज्ञांकडून पालकांना मार्गदर्शन
शिवशाही वृत्तसेवा, नेवासा (विष्णू मुंगसे)
नेवासा तालुक्यातील बालाजी देडगाव येथील जिल्हा परिषद प्राथमिक केंद्र शाळा येथे प्राथमिक आरोग्य उपकेंद्राच्या वतीने जागरूक पालक सुदृढ बालक या मोहिमेचा प्रारंभ करण्यात आला.या कार्यक्रमाच्या अध्यक्षस्थानी ज्येष्ठ पत्रकार बन्सीभाऊ एडके होते. प्रास्ताविक डॉ. प्रविण चराटे यांनी केले. त्यांनी विद्यार्थ्यांना व पालकांना जागरुक पालक सुदृढ बालक या मोहिमेबद्दल मार्गदर्शन केले.
या मोहिमेत अंगणवाडी, जिल्हा परिषद प्राथमिक शाळा, माध्यमिक शाळेतील विद्यार्थ्यांची तपासणी, व्यंग, डोळ्यातील तिरळेपणा, गंभीर आजार यावर तपासणी करून त्यांना रुग्णालय संदर्भित करणे असे विविध उपक्रम राबविले जाणार आहेत. यावेळी सरपंच चंद्रकांत मुंगसे, पत्रकार विष्णू मुंगसे, जिल्हा परिषद शाळेचे बथूवेल हिवाळे, धामणे सर, कदम मॅडम ,कारंडे मॅडम, निमसे मॅडम, आरोग्य सेविका अनिता सूर्यवंशी, आशा सेविका श्रीमती कोल्हे, श्रीमती गोफने, श्रीमती कदम, श्रीमती मुंगसे, श्रीमती लिला शिंदे, पालक, शाळेचे विद्यार्थी आदी उपस्थित होते. यावेळी प्रमुख मान्यवरांचा सन्मान करण्यात आला. मुख्याध्यापक सतीश भोसले, समुदाय आरोग्य अधिकारी डॉ. अजित गवळी, ज्येष्ठ पत्रकार बन्सीभाऊ एडके यांनी आपले मनोगत व्यक्त केले. कार्यक्रमाचे सूत्रसंचालन पत्रकार युनूस पठाण यांनी केले. तर डॉ. प्रविण चरहाटे यांनी आभार मानले.
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
