हिम्मत असेल तर सरकार पाडून दाखवा , शिवसेनेचा दसरा मेळावा मुख्यमंत्री उद्धव ठाकरेंचे विरोधकांना आवाहान

 हिम्मत असेल तर सरकार पाडून दाखवा , शिवसेनेचा  दसरा मेळावा  मुख्यमंत्री उद्धव ठाकरेंचे विरोधकांना आवाहान

उद्धव ठाकरें

दरवर्षी प्रमाणे शिवसेनेचा दसरा मेळावा  आयोजित केला गेला , परंतु या वर्षी तो शिवाजी पार्कला न घेता सावरकर स्मारकाला घेण्यात आला . शिवसेनेच्या स्थापनेपासूनच शिवसेनेचा दसरा मेळावा महाराष्ट्राचाच नव्हे तर संपूर्ण देशाच्या आकर्षणाचा विषय आहे . सेनाप्रमुख बाळासाहेब ठाकरे असेपर्यंत तर या मेळाव्याची शिवसैनिक वर्षभर वाट पाहत असत . कारण दसरा मेळाव्यात साहेबांचे भाषण ऐकणे हि एक पर्वणीच असे . उद्धव ठाकरे पक्षप्रमुख झाल्यानंतरही काही मेळाव्यात बाळासाहेबच आकर्षणाचे केंद्र राहिले होते . बाळासाहेबानंतर दसरा मेळाव्यात उद्धव ठाकरे संबोधित करू लागले. आज पर्यंत प्रत्यक्ष राजकारणात कधीही सहभागी न होणारे ठाकरे घराणे आता सक्रिय आहेत युवासेना प्रमुख आदित्य ठाकरेंनी निवडणूक लढवण्याचा निर्णय घेऊन ठाकरे घराण्याच्या प्रत्यक्ष राजकारणाची सुरुवात केली. नंतरच्या काही अनपेक्षित घटनाक्रमामुळे उद्धव ठाकरे यांना मुख्यमंत्री पद स्वीकारावे लागले . उद्धव ठाकरे मुख्यमंत्री झाल्यावरचा हा पहिला दसरा मेळावा असल्याने शिवसैनिकांबरोबरच संपूर्ण देशाचे या मेळाव्याकडे लक्ष लागले होते. या मेळाव्यात उद्धव ठाकरे हे शिवसेनेचे पक्षप्रमुख आणि महाराष्ट्राचे मुख्यमंत्री म्हणून बोलणार होते. ते काय बोलतात त्यावर महाराष्ट्राच्या राजकारणाची पुढील दिशा ठरणार हे नक्की होते.  

udhhaav thakarye

कालच्या मेळाव्यात उद्धव ठाकरेंनी बाळासाहेबांप्रमाणेच माझ्या तमाम हिंदू बांधवानो , बहिणींनो, आणि मातांनो अशी सुरुवात केल्याने विरोधकांचा जरा भ्रमनिरासच झाला असणार कारण शिवसेनेने काँग्रेस आणि राष्ट्रवादीशी हातमिळवणी करून महाविकास आघाडी स्थापन केली आणि भाजपाला सत्तेपासून दूर ठेवण्यात यश मिळवले होते तेव्हापासूनच भाजपसह शिवसेनेचे विरोधक उद्धव ठाकरे यांच्यावर टीका करत आले आहेत कि उद्धव ठाकरेंनी सत्तेसाठी हिंदुत्वाचा मुद्दा बाजूला ठेवला आहे आणि त्यामुळे काल उद्धव ठाकरे हिंदू असा स्पष्ट उल्लेख करणार नाहीत असाच जाणकारांचा अंदाज होता परंतु तसे झाले नाही कालच्या भाषणात उद्धव ठाकरे यांनी त्यांच्या मुख्यमंत्रीपदाच्या कालावधीतील सर्वच बाबींचा उल्लेख करत कधी आक्रमक तर कधी संयमित असे भाषण केले कोरोनाच्या पार्श्वभूमीवर शिवसैनिकांची संख्या मर्यादित असली तरी उद्धव ठाकरे काल  चांगलेच उत्साही दिसत होते 

उद्धव ठाकरें

आपल्या जवळपास ४० मिनिटांच्या भाषणात त्यांनी कोरोना, सुशांत सिंह राजपूत प्रकरण, मेट्रो कारशेड, कंगना राणावत, आदी मुद्द्यांना स्पर्श करत भाजपावर निशाणा साधला . आणि ते अपेक्षितच होते . २०१९ च्या निवडणुकी अगोदरपासूनच सेना भाजपा बाबत आक्रमक झाली होती व निकालनंतर  संख्याबळ कमी असूनही सत्तेचा तराजू  स्वतःकडे झुकतं ठेवला . त्यामुळे सेनेच्या नेतृत्वात आत्मविस्वास निर्माण झाला आहे . त्यातही सेनेची काँग्रेस आणि राष्ट्रवादी बरोबरची राजकीय आघाडी फारकाळ टिकणार नाही असेही खूप लोकांना वाटत होते पण कोरोना संक्रमणामुळे असेल कदाचित गेल्या वर्षात एखादी दुसरी घटना वगळता फार अश्या राजकीय घडामोडी घडल्याचं नाहीत आणि एक वर्ष हे सरकार टिकले त्यामुळे आता विरोधकांचाही विरोध थोडासा ढिला पडत चालल्याचे जाणवते . 
एकंदरीतच अनपेक्षित पणे सत्तेवर आलेले मुख्यमंत्री उद्धव ठाकरे आणि शिवसेना पक्षप्रमुख अश्या दोन भूमिकेतून केलेले उद्धव ठाकरे यांचे  दसरा मेळाव्याचे भाषण नेहमीप्रमाणेच झाले. त्यात शिवसेना पक्षप्रमुखांकडून  विरोधकांना हवे असलेले फार काही मिळाले नाही आणि मुख्यमंत्रांकडून जनतेलाही