डॉ.स्मिता जाधव आणि कौस्तुभ गावडे यांचे शक्तिप्रदर्शनासह नामांकन दाखल
शिवशाही वृत्तसेवा, पुणे (पारस मुथा)
पदवीधर मतदारसंघासाठी भाजपा-महायुतीच्या उमेदवार डॉ. स्मिता योगेश जाधव, तर पुणे शिक्षक मतदारसंघासाठी भाजपा-महायुतीचे उमेदवार कौस्तुभ गावडे यांनी आज उत्साहपूर्ण वातावरणात आपले नामांकन अर्ज दाखल केले. यावेळी भाजपा-महायुतीने जोरदार शक्तिप्रदर्शन करत निवडणुकीच्या प्रचाराचा प्रभावी श्रीगणेशा केला.
नामांकन अर्ज दाखल करताना भाजपा प्रदेशाध्यक्ष रविंद्र चव्हाण, केंद्रीय राज्यमंत्री मुरलीधर मोहोळ, महाराष्ट्राचे उच्च व तंत्र शिक्षण मंत्री चंद्रकांत पाटील, आमदार अमित गोरखे, भाजपा प्रदेश सरचिटणीस राजेश पांडे यांच्यासह भाजपा-महायुतीचे पदाधिकारी, कार्यकर्ते आणि समर्थक मोठ्या संख्येने उपस्थित होते.
पदवीधर आणि शिक्षक मतदारसंघातील प्रश्न, शिक्षण क्षेत्रातील आव्हाने तसेच युवा पदवीधरांच्या अपेक्षांना न्याय देण्याचा संकल्प यावेळी भाजपा-महायुतीच्या नेत्यांनी व्यक्त केला. दोन्ही उमेदवारांच्या नामांकनावेळी कार्यकर्त्यांमध्ये मोठा उत्साह पाहायला मिळाला.
भाजपा-महायुतीच्या एकजुटीचे आणि संघटनशक्तीचे दर्शन घडविणाऱ्या या शक्तिप्रदर्शनामुळे पुणे पदवीधर आणि शिक्षक मतदारसंघातील निवडणुकीचे वातावरण चांगलेच तापले आहे. आगामी निवडणुकीत दोन्ही मतदारसंघांत विजय मिळविण्यासाठी महायुतीने जोरदार मोर्चेबांधणी सुरू केली आहे.
-----------------
----------------
----------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
