देशभक्त किसन वीरआबांची जयंती कारखान्यावर होणार साजरी

S.P. Kulkarni Thursday, September 03, 2026

किसनवीर कारखान्याचे व्हाइस चेअरमन प्रमोद शिंदे यांची माहिती

Patriot Kisan Veer Jayanti, kisanveer sugar factory, wai, satara, shivshahi news,

शिवशाही वृत्तसेवा, वाई (प्रतिनिधी शुभम कोदे)

किसन वीर सातारा सहकारी साखर कारखान्याचे संस्थापक, थोर स्वातंत्र्य सेनानी देशभक्त किसन महादेव तथा आबासाहेब वीर यांची जयंती शुक्रवार (दि.४) रोजी कारखाना कार्यस्थळावर सकाळी १० वाजता साजरी करण्यात येणार असल्याची माहिती कारखान्याचे व्हाईस चेअरमन प्रमोद शिदे यांनी प्रसिद्धीपत्रकाद्वारे दिली.

प्रसिद्धीपत्रकात पुढे म्हटले आहे की, किसन वीर यांची जयंतीदिनी कारखाना कार्यस्थळावर सकाळी दहा वाजता महाराष्ट्र राज्याचे मदत व पुनर्वसन मंत्री तथा कारखान्याचे चेअरमन मकरंद पाटील व सातारा जिल्हा मध्यवर्ती सहकारी बँकेचे चेअरमन खासदार नितीन पाटील यांच्या प्रमुख उपस्थितीत होणार असुन कर्मवीर भाऊराव पाटील विद्यापीठाचे कुलगुरू डॉ ज्ञानदेव म्हस्के उपस्थितांना मार्गदर्शन करणार आहेत.

हा जयंती समारंभ कारखाना कार्यस्थळावर होणार असुन कारखाना कार्यक्षेत्रातील सभासद बिगर सभासद, वाहतूक कंत्राटदार, तोडणी मशीन मालक, विविध संस्थांच्या पदाधिकारी, कार्यकर्त्यांनी बहुसंख्येने कार्यक्रमास उपस्थित रहावे, असे आवाहनही कारखान्याचे व्हाईस चेअरमन प्रमोद शिंदे कार्यकारी संचालक उत्तम पाटील व संचालक मंडळाने केले आहे.

-----------------