कराडमध्ये ४ ऑगस्ट रोजी ‘युवा आणि सहकार’ विषयावर राष्ट्रीय परिषद

आरबीआयचे केंद्रीय संचालक सतीश मराठे राहणार उपस्थित

National Conference on Youth and Cooperation, Satara,karad, shivshahi news.

शिवशाही वृत्तसेवा, कराड (प्रतिनिधी शूभम कोदे)

कराड (प्रतिनिधी): शिक्षण मंडळ कराड संचलित महिला महाविद्यालयाचा अर्थशास्त्र व वाणिज्य विभाग, शिवाजी विद्यापीठ (कोल्हापूर), इंडियन इन्स्टिट्यूट ऑफ एज्युकेशन (पुणे) आणि जनकल्याण नागरी सहकारी पतसंस्था (कराड) यांच्या संयुक्त विद्यमाने “Youth and Cooperation” (युवा आणि सहकार) या विषयावर एका दिवशीय बहुविद्याशाखीय राष्ट्रीय परिषदेचे आयोजन करण्यात आले आहे.

आगामी मंगळवार, दिनांक ४ ऑगस्ट २०२६ रोजी सकाळी ९:३० वाजता सौ. वेणूताई चव्हाण स्मारक सांस्कृतिक सभागृह, कराड येथे हा सोहळा संपन्न होईल.

प्रमुख आकर्षण व उद्घाटन सोहळा

राष्ट्रीय शैक्षणिक धोरण २०२० शी सुसंगत असलेल्या या परिषदेचे उद्घाटनाचा सोहळा खालील मान्यवरांच्या प्रमुख उपस्थितीत पार पडेल:

श्री. सतीश मराठे (केंद्रीय संचालक, रिझर्व्ह बँक ऑफ इंडिया)

प्रो. डॉ. राजनीश कमलाकर कामत (कुलगुरू, शिवाजी विद्यापीठ, कोल्हापूर)

डॉ. बी. डी. पवार (माजी संचालक, पणन संचालनालय, महाराष्ट्र शासन)

सौ. चेतना सिन्हा (संस्थापक अध्यक्षा व सामाजिक कार्यकर्त्या, माणदेशी महिला सहकारी बँक)

परिषदेची मुख्य वैशिष्ट्ये

विचारमंथनाचे विषय: युवक, सहकार, स्टार्टअप्स, कृत्रिम बुद्धिमत्ता (AI), शाश्वत विकास, महिला सक्षमीकरण, ग्रामीण विकास, आर्थिक समावेशन आणि कौशल्य विकास.

विशेष कार्यक्रम: तज्ज्ञांचे मार्गदर्शन, परिसंवाद तसेच संशोधन निबंध व पोस्टर सादरीकरण.

उद्देश: युवकांच्या नवकल्पना, नेतृत्वगुण आणि उद्योजकतेला सहकार क्षेत्राशी जोडणे आणि सहकार चळवळीच्या विकासात युवकांचा सहभाग वाढवणे.

मार्गदर्शन व संयोजन

शिक्षण मंडळ कराडचे चेअरमन मा. श्री. बाळासाहेब कुलकर्णी यांच्या मार्गदर्शनाखाली व नियोजनानुसार या परिषदेचे आयोजन करण्यात येत आहे. तसेच शिक्षण मंडळाचे सचिव मा. श्री. चंद्रशेखर देशपांडे, जनकल्याण नागरी सहकारी पतसंस्थेचे उपाध्यक्ष श्री. अभिजित चाफेकर आणि महिला महाविद्यालयाचे प्राचार्य डॉ. भरत बल्लाळ यांच्या मार्गदर्शनाखाली जय्यत तयारी सुरू असून, संयोजक सचिव डॉ. अखिलेश शिंदे विविध समित्यांच्या माध्यमातून नियोजन पाहत आहेत.

महत्त्वाचे आवाहन: देश व राज्यभरातील प्राध्यापक, संशोधक, विद्यार्थी, सहकार क्षेत्रातील प्रतिनिधी तसेच होतकरू युवकांनी मोठ्या संख्येने उपस्थित राहून या राष्ट्रीय परिषदेचा लाभ घ्यावा, असे आवाहन आयोजकांच्या वतीने करण्यात आले आहे.

---------------------