कन्नड तालुक्यातील भिलदरी परिसरात रानडुकरांचा हैदोस

कन्नड तालुक्यातील भिलदरी परिसरात रानडुकरांचा हैदोस - उभ्या पिकांची करत आहेत नासधूस

S.P. Kulkarni Thursday, September 04, 2025

वन विभागाने रानडुकरांचा बंदोबस्त करावा - शेतकऱ्यांची मागणी

Wild boars are a problem for farmers, forest department, kannad, chhatrapati sambhaji nagar, Aurangabad, shivshahi news,

शिवशाही वृत्तसेवा, फुलंब्री प्रतिनिधी तातेराव बनसोडे

कन्नड तालुक्यातील भिलदरी शिवारात रानडुकरांनी मका पिकाचे मोठे नुकसान केले आहे. या नुकसानीचा पंचनामा बुधवारी दिनांक 3 सप्टेंबर रोजी वनरक्षक मोनाली फिरके, वन मजूर रतन मगरे, गावातील शेतकरी व उपसरपंच विजय वैष्णव यांच्या उपस्थितीत केला. पंचनामाचा अहवाल वरिष्ठ अधिकाऱ्याकडे पाठवण्यात आला आहे.

यंदा पाऊस समाधानकारक असल्यामुळे मक्का, कापूस, तुर, अद्रक पीके जोमात आली आहेत. परंतु आता रानडुकरांचे संकट शेतकऱ्यांपुढे उभे टाकले आहे. डोंगराळ भाग असल्याने रानडुकराच्या कळपाने अनेक शेतकऱ्यांची 75 टक्के पेक्षा अधिक प्रमाणात नुकसान केले आहे. नुकसान झालेल्या मग त्या पिकांना पाळीव प्राणी सुद्धा खात नाही, त्या पिकांना वास येत असल्यामुळे तो चारा उपयोगात येत नाही. शेतकरी दुहेरी अडचणीत सापडलेला आहे.

शासनाने तातडीने नुकसान भरपाई द्यावी, व शेतांना तार कंपाऊंड साठी निधी उपलब्ध करून द्यावा अशी मागणी बिल्दारी ग्रामपंचायत व गावकऱ्यांनी केली आहे. अन्यथा वन विभागाच्या कार्यालयासमोर उपोषण करण्याचा इशाराही नुकसानग्रस्त शेतकऱ्यांनी दिला आहे. कमल बम्हणावत, चंदन गोटवाल, जितेंद्र वैष्णव, सुभाष सुलाने, रामसिंग गोटवाल, आकाश वैष्णव, कार्तिक कवाळ या शेतकऱ्यांचे मोठे नुकसान झालेले आहे.

---------------------