१६ एप्रिलला सरपंचपदाची आरक्षण सोडत
शिवशाही वृत्तसेवा, सिंदखेडराजा (प्रतिनिधी आरिफ शेख)
सिंदखेड राजा तालुक्यातील ग्रामपंचायत सार्वत्रिक निवडणूक २०२५-२०३० साठी सरपंच पदाच्या आरक्षणासाठी सोडत काढण्याची कार्यवाही निश्चित करण्यात आली आहे. तालुक्यातील ८० ग्रामपंचायतींच्या सरपंच पदासाठी आरक्षण निश्चित करण्यासाठी १६ एप्रिल २०२५ रोजी दुपारी ११.०० वाजता पंचायत समिती सभागृह, सिंदखेड राजा येथे सभा आयोजित करण्यात आली आहे.
यासोबतच, सर्व प्रवर्गातील महिलांसाठी आरक्षण निश्चित करण्यासाठी स्वतंत्र सभा २५ एप्रिल २०२५ रोजी दुपारी १२.०० वाजता जिल्हा नियोजन समिती सभागृह, जिल्हाधिकारी कार्यालय, बुलडाणा येथे होणार आहे. प्रशासनाने तालुक्यातील सर्व ग्रामपंचायत सदस्य व नागरिकांना या दोन्ही महत्त्वाच्या सभांना उपस्थित राहण्याचे आवाहन सिंदखेड राजा तहसीलदार अजित दिवटे यांनी केले आहे.
---------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
