26 रोजी नरसी येथे संविधान जागृती महोत्सवाचे आयोजन!
शिवशाही वृत्तसेवा,नांदेड जिल्हा प्रतिनिधी शिवाजी कुंटूरकर
याबाबत सविस्तर वृत्त असे की, आज दिनांक २४ नोव्हें. रोजी शासकीय विश्रामगृह नरसी येथे झालेल्या पत्रकार परिषदेत आयोजन समितीच्या वतीने देण्यात आलेल्या माहितीनुसार जनमानसात भारतीय संविधान व त्यातील आपले हक्क आणि कर्तव्य याबद्दल जागृती व्हावी यासाठी संविधान दिनाचे औचित्य साधून संविधान जागृती महोत्सवाचे आयोजन करण्यात आले आहे.
दिनांक 26 नोव्हेंबर रोजी सकाळी ९ वाजता नरसी येथील ग्रामपंचायत कार्यालयासमोर तिरंगा झेंडा हाती घेऊन वारकरी वेशभूषेत संविधानाच्या प्रतीची व संविधानाला अभिप्रेत घोषणा देत दिंडीला अर्थात रॅलीला न्यायाधीश श्रीमती ए. टी. गीते यांच्या उपस्थितीत सुरुवात होईल.
सदर दिंडी ची सांगता शिवकृपा मंगल कार्यालय येथे होईल. तेथे प्रभारी तहसीलदार आर. जी. चव्हाण यांच्या अध्यक्षतेखाली संविधानावर प्रबोधनात्मक ह.भ.प.धर्मकीर्ती महाराज परभणीकर, माजी शिक्षण संचालक गोविंद नांदेडे, यांचे व्याख्यान होईल.नायगाव तहसीलदार मंजुषा भगत, गट विकास अधिकारी लक्ष्मण वाजे, प्राचार्य एस.जी. मांदळे,पोलीस निरीक्षक गणेश सोंडारे, सपोनी संकेत दिघे, आदी मान्यवर उपस्थित असणार आहेत.
तरी परिसरातील सर्व नागरिकांनी या कार्यक्रमास मोठ्या संख्येने उपस्थित राहण्याचे अहवान समितीचे अध्यक्ष भास्कर भेदेकर, उपाध्यक्ष धम्मानंद सोनकांबळे, कार्याध्यक्ष मैनोदीन शेख, सचिव मोहन जाधव नागसेन जिगळेकर ,संदीप उंबरे आदींनी पत्रकार परिषदेत अहवान करण्यात आले आहे.
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
