भल्या पहाटे कारवाई केल्याची तहसिलदार सुशिल बेल्हेकर यांची माहिती
शिवशाही वृत्तसेवा, पंढरपूर
अवैध वाळू उपसा व वाहतूकी विरोधात पंढरपूरच्या महसूल विभागाने धडक मोहीम हाती घेतली आहे. महसूल पथकाने अवैध वाळू व वाहतूकीसाठी वापरण्यात येणारे दोन ट्रॅक्टर ट्रॉलीसह जप्त करण्यात आले असल्याची माहिती तहसिलदार सुशिल बेल्हेकर यांनी दिली.
पंढरपूर तालुक्यातील अवैध वाळू उपसा रोखण्यासह वाळूची अवैध वाहतूक करणाऱ्यांच्या विरोधात कारवाई करण्यासाठी प्रांताधिकारी गजानन गुरव यांच्या मार्गदर्शनाखाली तहसिलदार सुशिल बेल्हेकर यांनी विविध 17 पथकांची नेमणूक केली आहे. भीमा नदी पात्रातील चिंचोली भोसे (खरात वस्ती) व पंढरपूर हद्दीतील कंडरे तालीमच्या पाठीमागे अवैध वाळू व वाहतूक करण्यात येत असल्याची माहिती महसूल प्रशासनास मिळाली. सदरच्या दोन्ही कारवाई महसूल पथकाने पहाटे 3.30 ते 4.45 वाजताच्या दरम्यान केली.
या पथकात मंडळ अधिकारी विजय शिवशरण, तलाठी प्रशांत शिंदे ,प्रमोद खंडागळे व पंढरपूर मंडळातील सर्व कोतवाल सहभागी होते.
----------------------------
----------------------------
गूगल न्यूज वर शिवशाही फॉलो करा
इथे क्लिक करून करून शिवशाही न्यूज टेलीग्राम चॅनल सबस्क्राईब करा
